जाडाे प्रभावित मुसहर समुदायलाई न्यानो कपडा तथा गैर खाध्य सामग्री वितरण

महेश सिंह सिरहा लहान १९ माघ – राज्यमा सबभन्दा पछाडि परिएका मुसहर समुदायलाई राष्ट्रिय कृषक समुह महासंघ नेपालद्वारा सिरहाको लक्ष्मीपुर पतारी गाउँपालिका वडा नम्बर ४ लक्ष्मीपुर धनछवार स्थित रहेको ४३ घरधुरी मुसहर समुदायलाई जाडाे प्रभावित मुसहर समुदायलाई न्यानो कपडा तथा गैर खाध्य सामग्री वितरण गरेका छन्।
तराईमा चिसो बडे संगै मुसहर समुदाय सबभन्दा बढी प्रभावित हुने गरेको एक तथ्यांकमा उल्लेख रहेका महासंघका मधेस प्रदेश संयोजक दिलिप कुमार साहले बताए। सीमान्तकृत समुदायलाई लक्षित गरी उक्त कार्यक्रम संचालन गरेको हो।
उक्त समुदायलाई आर्थिक आय स्तर उकास्न महासंघले विभिन्न कार्यक्रमहरु संचालनमा ल्याएको महासंघका केन्द्रिय उपाध्यक्ष अमिर लाल यादवले जनाए।पोषणका कार्यक्रम संगै शिक्षाको पहुँचबाट बन्चित रहेका युवाहरूलाई स्कुल पढ्न वातावरण समेत बनाएका छन्।
ग्रामीण भेगका युवा महिलाहरुलाई सीप मुलक लघु तालिम प्रदान गरी रोजगार मुखी बनाउने गरेको दर्जनौं प्रमाणहरु सिरहा,सप्तरी र उदयपुरको करार खेती उदाहरण रहेको देखिन्छ।किसानहरुको हक अधिकारको क्षेत्रमा अवाज उठाउने महासंघ नै रहेको बताए।किसानहरुको अधिकारको लागी पैरवी गर्ने संस्था महासंघ रहेको जनाए।
चिसो,पहिरो र बाढीबाट जोगिन प्रति ब्यक्ती करिब ११ हजार मुल्य बराबरको सामग्री वितरण गरेको केयर नेपालका पुनम यादवले बताए।पुर्व महासंघका अध्यक्ष प्रदीप सिंहका अनुसार नेपालमा कृषि ऐन नेपालमा नरहेको भन्दै कुनै स्थानीय तहमा नरहेको दु:खद कुरा रहेको टिप्पणी गर्नु भयो।
पछिल्लो लामो समय देखि सिरहा सप्तरी धनुषा उदयपुर लगायतका जिल्लाको स्थानीय तहमा गरिब ललित सीमान्तकृत समुदायलाई उकास्न कृषक महासंघ नेपालले स्थानीय सरकार संगको समन्वय र केयर नेपालको आर्थिक सहयोगमा महासंघले सुकुम्बासी भुमिहिन मुसहर समुदायलाई जग्गा उपलब्ध गराई करार खेतीमा जोड दिएका छन्।