महेश सिंह लहान सिरहा –नेपाली कम्युनिष्ट पार्टी (नेकपा) सिरहा क्षेत्र नं.–१ ले आगामी निर्वाचनका लागि प्रत्यक्षतर्फको उम्मेदवारमा पूर्वमन्त्री रामचन्द्र यादवको एकल नाम सर्वसम्मत रूपमा सिफारिस गरेको छ।
क्षेत्रीय कमिटीको बैठकले पार्टीभित्रको एकता, संगठनात्मक सुदृढीकरण तथा आगामी निर्वाचनमा प्रभावकारी प्रतिस्पर्धा गर्न सक्ने सक्षम नेतृत्वका रूपमा यादवलाई अघि सारेको जनाइएको छ। बैठकमा सहभागी नेताहरूले पूर्वमन्त्री यादवको राजनीतिक अनुभव, जनतासँगको गहिरो सम्बन्ध र क्षेत्रको विकासमा पुर्याएको योगदानलाई मुख्य आधार मानेर सर्वसम्मत निर्णय गरिएको बताए।
पार्टी स्रोतका अनुसार सिफारिस गरिएको नाम अब प्रदेश र केन्द्रीय समितिमा पठाइनेछ। अन्तिम निर्णय पार्टीको विधानअनुसार सम्बन्धित निकायबाट हुने जनाइएको छ।
स्थानीय नेता तथा कार्यकर्ताहरूले यादवको उम्मेदवारीले क्षेत्र नं.–१ मा पार्टीलाई थप मजबुत बनाउने विश्वास व्यक्त गरेका छन्।
Discussion about this post