मिर्चैयामा Gen Z आन्दोलन विषयक अन्तरक्रिया तथा संगठन विस्तार सम्बन्धी बैठक सम्पन्न

महेश सिंह सिरहा- मिर्चैया नगरपालिकामा Gen Z आन्दोलन का युवा साथिहरूबीच भेटघाट, अन्तरक्रिया तथा संगठन विस्तार सम्बन्धी महत्वपूर्ण छलफल सम्पन्न भएको छ।

कार्यक्रममा आन्दोलनका उद्देश्य, आगामी रणनीति र स्थानीय युवाहरूको भूमिकाबारे विस्तृत छलफल गरिएको थियो। सहभागीहरूले युवाद्वारा संचालित परिवर्तनकारी अभियानलाई बलियो र प्रभावकारी बनाउन एकजुट भएर अघि बढ्ने प्रतिबद्धता जनाएका छन्।

Gen Z आन्दोलनका प्रतिनिधिहरूले सामाजिक जागरण, राजनीतिक सचेतना र स्थानीय नेतृत्व विकासमा युवाको सक्रिय सहभागितामार्फत नयाँ सोच र जिम्मेवार नागरिकता स्थापित गर्ने लक्ष्य राखेको जानकारी गराए।

अन्तरक्रिया कार्यक्रमले मिर्चैयाका युवामाझ संगठनात्मक एकता र सकारात्मक रूपान्तरणको सन्देश प्रवाह गरेको आयोजकहरूले बताएका छन्।