नेकपा एस लहान नगरको अधिवेशन भव्य रूपमा मनाइने

महेश सिंह लहान-नेपाल कम्युनिस्ट पार्टी (एकीकृत समाजवादी) लहान नगर कमिटीको सातौँ नगर अधिवेशन आउँदो शनिबार सम्पन्न हुने भएको छ।
पार्टी केन्द्रीय समितिको सरकुलरअनुसार जेष्ठ मसान्तभित्र सम्पूर्ण नगर अधिवेशनहरू सम्पन्न गर्नुपर्ने निर्णयपछि लहान नगरको अधिवेशन यही जेठ १० गते तय गरिएको हो। अधिवेशन लहानस्थित गोपाल सेवा समितिको भवनमा हुने छ।
नगर अध्यक्ष विनोद कुमार साहले अधिवेशनको तयारी तीव्र रूपमा अगाडि बढाइएको जानकारी दिएका छन्। उनले कार्यक्रमलाई भव्य र व्यवस्थित रूपमा सम्पन्न गर्ने योजना रहेको जनाए।
‘समृद्धिको यात्रा, समाजवादको लक्ष्य’ नारासहित हुने अधिवेशनमा पार्टीका विभिन्न तहका नेता तथा कार्यकर्ताहरूको उल्लेख्य सहभागिता रहने अपेक्षा गरिएको छ।
नगर अधिवेशनमार्फत संगठन सुदृढीकरण, स्थानीय तहमा जनसंगठनहरूको समन्वय र आगामी कार्ययोजनाबारे निर्णय गरिने जनाइएको छ।
अधिबेशनबाट लहान नगरको नयाँ कार्य समिति चयन गर्ने नगर अध्यक्ष बिनोद कुमार साहले बताए।