सहमतिको नेतृत्व : जसपा सिरहामा अशोक यादव अध्यक्ष, समावेशी समिति चयन

महेश सिंह सिरहा-लामो समयदेखि नेतृत्व चयनमा अन्योल झेलिरहेको जनता समाजवादी पार्टी (जसपा) नेपाल सिरहा जिल्ला समितिमा अन्ततः सहमतिको मोडेल कार्यान्वयन भएको छ। मतदान प्रक्रियामै जाने तयारी गरिए पनि अन्तिम समयमा सहमतिमा पुग्दै अशोक कुमार यादवको अध्यक्षतामा नयाँ जिल्ला समिति गठन गरिएको हो।
बुधवार साँझ अबेरसम्म सहमति जुट्न नसकेपछि बिहीवार बिहान मतदानको प्रक्रिया थालिएको थियो। तर, शीर्ष नेताहरूको सक्रिय पहलमा सहमतिका लागि मतदान रोकिएको र सबै पक्षलाई समेटेर समिति चयन गरिएको हो।
यादव नेतृत्वको समितिमा उपाध्यक्षमा लालबहादुर साह (बरियारपट्टी) र अशोककुमार मण्डल (कल्याणपुर), सचिवमा बिन्द कुमार मण्डल (गोलबजार), उपसचिवमा दिनेश कुमार महतो (लहान) र इन्दलकुमार मण्डल (भगवानपुर), तथा कोषाध्यक्षमा लक्ष्मी कुमारी श्रेष्ठ (कर्जन्हा) चयन भएका छन्।
पार्टीको आन्तरिक संरचना सुदृढ गर्दै बनाइएको यस समितिमा विभिन्न पालिका, वर्ग र समुदायको प्रतिनिधित्व हुनेगरी सदस्यहरू चयन गरिएको छ।
सदस्यहरूमा अल्लाउदिन दफाली, पुनिता पासवान, रामदुलार महरा, ललिता यादव, अनिता सिंह, राधाकुमारी देवी महतो, बबिता यादव, सकिला खातुन, मिथिलेश देवी, शिला देवी राम, शैल कुमारी कर्ण, विनाकुमारी यादव, अनिता देवी चौधरी, शोभा कुमारी यादव, मनि कुमारी चौधरी, किरण कुमारी साह, रेणुकुमारी यादव, संजना कुमारी यादव, जानकीकुमारी यादव, पिंकी देवी ठाकुर, शोभा कुमारी दास रहेका छन्।
त्यस्तै खुला सदस्यतर्फ शिवशंकर महतो, नन्दकिशोर यादव, रामअशिष राम, प्रयाग लाल यादव, महेश यादव, नविन कुमार यादव, वंशीलाल यादव, विनोद कुमार कामती, जय कुमार यादव, बजरंगबली यादव, बद्रीनारायण यादव, योगेन्द्र प्रसाद यादव, राकेश कुमार यादव, राजदेव यादव, गजेन्द्र यादव, उमेश साह, राजेन्द्र यादव, शिवजी यादव, बलिराम यादव, सरोज यादव, पशुपति प्रसाद साह र मनोज कुमार यादव चयन भएका छन्।
“संगठनलाई बलियो बनाउन सहमतिबाट अघि बढ्नु जरुरी थियो,” अध्यक्ष यादवले कान्तिपुरसँग भने, “सबैलाई समेटेर अगाडि बढ्ने हाम्रो प्रतिबद्धता हो।”
जिल्ला तहमा सहमतिबाट नेतृत्व चयन गरिएको यस कदमलाई पार्टीले एकताको प्रतीकका रूपमा लिएको छ। विश्लेषकहरूका अनुसार जसपाले सांगठनिक सन्तुलन कायम राख्दै आगामी रणनीतिमा सहजता पाउनेछ।