प्रधानमन्त्री पुष्पकमल दाहाल प्रचण्डले नेपाल-भारत समस्या समाधानको सन्दर्भमा आफूले ‘बाङ्ग्लादेश मोडल’को प्रस्ताव नगरेको दाबी गरेका छन्।
सोमवार प्रतिनिधिसभामा प्रमुख प्रतिपक्षी दल नेकपा एमालेसहित राष्ट्रिय स्वतन्त्र पार्टी र राष्ट्रिय प्रजातन्त्र पार्टीले उठाएका प्रश्नहरूको उत्तर दिने क्रममा प्रचण्डले आफूले सम्बन्धित भूमि नेपालकै हो भनेर स्थापित गर्नु पहिलो उद्देश्य भएकाले कुनै पनि अन्य विकल्पको कुरा नगरेको दाबी गरे।
उनले आफूले बोलेका भिडिओलगायत सबै प्रमाणहरू समेत उपलब्ध भएको बताए।
“मैले नेपालका केही विज्ञहरू, बुद्धिजीवीहरूले गरेको अध्ययनको आधारमा ‘उहाँहरूले भनेको कुरा यस्ता पनि छन्’ भनेको मात्रै हुँ। मैले यो गर्नुपर्छ भनेकै छैन। मैले त नेपालको भूमि नेपालको हो भनेर पहिला स्थापित हुनुपर्छ मात्रै भनेको छु,” उनले भने। सभार bbc news
Discussion about this post