महेश सिंह लहान – छैठौं सुरुङ्गा नगरस्तरीय विद्यालय खेलकुद तथा राष्ट्रपति रनिङ शिल्ड प्रतियोगितामा श्री राष्ट्रिय आधारभूत विद्यालय चहका कोरैया, सुरुङ्गा नगरपालिका–१ का कक्षा ६ देखि ८ सम्मका विद्यार्थीहरूले उल्लेखनीय सफलता हासिल गरेका छन्।
उक्त प्रतियोगिताअन्तर्गत लङ जम्प विधामा विद्यार्थी घनश्याम मण्डलले दोस्रो स्थान हासिल गरी विद्यालयको गौरव बढाएका छन्। त्यसैगरी रिले दौडतर्फ रिदम आले मगर, रिसव आले मगर, समीर राणा मगर र आशिष लुङगेली मगर सम्मिलित टोलीले तेस्रो स्थान प्राप्त गर्न सफल भएको हो।
विद्यार्थीहरूको यस सफलताले विद्यालय, शिक्षक तथा अभिभावकहरू हर्षित भएका छन्। खेलकुदमार्फत विद्यार्थीको शारीरिक, मानसिक र नेतृत्व विकासमा टेवा पुग्ने विश्वास व्यक्त गर्दै विद्यालय प्रशासनले यस्ता प्रतियोगिताले प्रतिभा पहिचान र प्रोत्साहनमा महत्वपूर्ण भूमिका खेल्ने बताएको छ।
विद्यालय परिवारले उत्कृष्ट प्रदर्शन गर्ने सम्पूर्ण विद्यार्थीहरूलाई हार्दिक बधाई तथा शुभकामना व्यक्त गर्दै आगामी दिनमा अझ उत्कृष्ट सफलता हासिल गर्न प्रेरणा मिलोस् भन्ने कामना गरेको छ।
Discussion about this post