सिरहाको नवराजपुर गाउँपालिकामा जेनजी संयोजकमा रोबिन यादव चयन

महेश सिंह लहान सिरहा- नवराजपुर गाउँपालिकामा युवाको नेतृत्व, अधिकार र सामाजिक उत्तरदायित्वलाई संस्थागत गर्दै गाउँपालिका–स्तरीय Gen Z समिति औपचारिक रूपमा गठन गरिएको छ। कार्तिक २९ गते सम्पन्न भेला तथा अन्तरक्रियामार्फत रोबिन यादव संयोजकमा सर्वसम्मतिले चयन भएका छन्।

सक्रिय युवा सहभागिता, थप संगठन विस्तार र जनचेतनामूलक अभियानहरूका कारण यो भेलालाई स्थानीयले नवराजपुरको ‘युवा मोड’ का रूपमा हेरेका छन्।
समितिले समानान्तर रूपमा पाँचै वडामा नेतृत्व संरचना पनि निर्माण गरेको छ।
चयन भएका वडा संयोजकहरू क्रमशः—वडा १: शैलेश यादव,वडा २: नवीन चौधरी,वडा ३: नारायण यादव,वडा ४: रमेश यादव, वडा ५: हरेराम यादव,यी पाँचै जनालाई वडामा युवासँग प्रत्यक्ष काम गर्ने, अभियान सञ्चालन गर्ने र Gen Z विचारलाई जनस्तरतिर पुर्‍याउने ज़िम्मेवारी दिइएको छ।

गठनपछि आयोजित भेलामा संयोजक रोबिन यादवले नवराजपुरको सामाजिक, प्रशासकीय र राजनीतिक वास्तविकतामाथि गम्भीर टिप्पणी गर्दै युवालाई परिवर्तनको केन्द्रबिन्दु बनाउने प्रतिबद्धता जनाए।
उनले भने—

“युवा बस्यो भने गाउँ बस्छ। अब परिवर्तन हेर्ने होइन—स्वयं परिवर्तन गर्ने पुस्ता हौँ हामी।”

उनका अनुसार Gen Z अभियान नवराजपुरमा
जवाबदेही स्थानीय सरकार,भ्रष्टाचार–विरोधी अभियान,शिक्षा र रोजगारीका मुद्दा, सामाजिक न्यायको आवाज लाई केन्द्रमा राखेर अघि बढ्नेछ। बैठकमा सहभागिता जनाएका युवाहरूले नवराजपुरलाई ‘Gen Z Rising Zone’ बनाउने संकल्प सार्वजनिक गरे छन्।

डिजिटल साक्षरता र राजनीतिक सचेतना,सामाजिक सेवामूलक गतिविधि,छलफल र प्रशिक्षण कार्यक्रम,युवालाई नेतृत्वमा उकास्ने संरचना
जस्ता गतिविधि सञ्चालन गर्ने बताइएको छ।
समितिले गाउँमा देखिएका असमानता, पक्षपात र गैरजिम्मेवार अभ्यासबारे निरन्तर ‘युवा निगरानी’ र ‘समीक्षात्मक आवाज’ उठाइने पनि स्पष्ट पारेको छ।

Gen Z समिति गठनलाई स्थानीय समुदायले स्वागत गरेका छन्। वडागत ठूला–साना घटनामा युवाको उपस्थिति बढेकाले अब नवराजपुरमा छिटो सूचना आदान–प्रदान,
समस्या समाधानमा युवाको भूमिका, र सामाजिक एकतामा बलियो प्रभाव पर्ने अपेक्षा व्यक्त गरिएको छ। स्थानीय बुद्धिजीवीहरूले यो अभियानलाई “युवाको राजनीति पुनर्स्थापना र सामाजिक परिवर्तनको नयाँ शिरोभित्रण” भनेका छन्।

नवराजपुरमा स्थापित Gen Z समिति केवल संगठनात्मक संरचना मात्र होइन—युवाद्वारा संचालित सामाजिक परिवर्तनको नयाँ ढोका हो। नयाँ पुस्ताको ऊर्जा, स्पष्ट विचार, साहसी आवाज र संगठित नेतृत्वसँगै नवराजपुर अब परिवर्तनको उचाइतर्फ अघि बढ्ने स्थानीयको विश्वास छ।
Gen Z को यो संगठित प्रयासले गाउँपालिकाको भविष्यमा दूरगामी प्रभाव पार्ने अपेक्षा बढ़ेको छ।