सिरहामा एमालेको विशाल मोटरसाइकल र्याली: हजारौं कार्यकर्ताको सहभागिता

महेश सिंह लहान सिराहा- देशव्यापी समन्वयका तहत ने.क.पा. एमालेले आज २०७२ कार्तिक २९ गते ७७ जिल्लामा शक्ति प्रदर्शन गर्दै मोटरसाइकल र्याली तथा कोण सभाहरु आयोजना गरेको छ। सिराहा जिल्लाको सदरमुकाम सिरहामा पनि पार्टीका कार्यकर्ताहरुले बिशाल मोटरसाइकल र्यालीको आयोजना गरेका थिए।

जिल्ला कार्य समिति सिरहाले नेतृत्व गरेको र्यालीमा पार्टीका केन्द्रिय नेता लिला नाथ श्रेष्ठसहित हजारौं नेता तथा कार्यकर्ताको सहभागिता रहेको थियो। र्यालीमार्फत एमालेले आफ्नो संगठनात्मक शक्ति र लोकप्रियता जनसमुदाय माझ प्रदर्शित गरेको जिल्ला कमिटी सदस्य उग्र नारायण यादवले जानकारी दिए।

पार्टीको केन्द्रिय सर्कुलरअनुसार जिल्ला–जिल्लामा कार्यक्रम सञ्चालन गरिएको थियो। सिरहामा सम्पन्न र्यालीमा सडक मार्ग हुँदै सदरमुकामको विभिन्न स्थानमा मोटरसाइकल जुलुस निस्किएको र कार्यकर्ताहरुले पार्टीका झन्डा र नारासहित उत्साहजनक सहभागिता जनाएका थिए। यस कार्यक्रमले आगामी निर्वाचन तथा पार्टीको गतिविधिलाई थप सशक्त बनाउने उद्देश्य राखेको एमालेका नेता बताउँछन्।