लोहबरिया वंशको भेटघाट तथा चिया–पान कार्यक्रम भव्य

महेश सिंह लहान, कार्तिक १२ — सप्तरीको मलहनियामा लोहबरिया वंशको भेटघाट तथा चिया–पान कार्यक्रम आज भव्य रूपमा सम्पन्न भएको छ। कार्यक्रमले वंशीय एकता, संस्कार संरक्षण र सामाजिक उत्थानमा वंशीय योगदानबारे गहिरो संदेश दिएको छ।

कार्यक्रमका प्रमुख अतिथि मधेश प्रदेशका माननीय राजेन्द्र प्रसाद चौधरी थारू रहनुभयो। विशिष्ट अतिथिका रूपमा लोहबरिया वंशका केन्द्रीय अध्यक्ष महेश प्रसाद चौधरी, केन्द्रीय सचिव सागर चौधरी, केन्द्र कोषाध्यक्ष पन्ना लाल चौधरी, साथै सम्माननीय सदस्यहरू राज नरायण चौधरी, राम पुकार चौधरी र धर्मराज चौधरीलगायतको उल्लेखनीय उपस्थिति रहेको थियो।

विभिन्न जिल्ला र गाउँबाट आएका लोहबरिया वंशका सदस्यहरूको उत्साहपूर्ण सहभागिताले कार्यक्रमलाई विशेष बनाएको थियो। छलफल सत्रमा वंशीय एकता सुदृढ पार्ने, नयाँ पुस्तामा संस्कार र परम्पराको संरक्षण गर्ने तथा समाजसेवामा वंशको सक्रिय भूमिकाबारे विचार–विमर्श गरिएको थियो।

कार्यक्रमको अन्त्यमा सहभागीहरूबीच पारस्परिक शुभकामना आदान–प्रदान गर्दै चिया–पान तथा आत्मीय भेटघाट सम्पन्न गरिएको आयोजक समितिले जनाएको छ।