प्रेस मंच नेपालको मधेस प्रदेश अध्यक्षमा पुनः अभरेन्द्र यादव निर्वाचित

महेश सिंह लहान सिरहा –प्रेस मञ्च नेपाल, मधेश प्रदेश समितिको दोस्रो अधिवेशन सिरहाको मिर्चैयामा सम्पन्न भएको छ। अधिवेशनले अभरेन्द्र यादवलाई पुनः अध्यक्षमा सर्वसम्मत चयन गरेको छ भने मुख्यसचिवमा प्रवेशकुमार मिश्र निर्वाचित भएका छन्।
खुश्वु होटलमा दुई दिनसम्म चलेको अधिवेशनले २१ सदस्यीय नयाँ कार्यसमिति घोषणा गरेको हो। उपाध्यक्षमा रामहृदय यादव र माला राय, सचिवमा नागेन्द्र यादव र प्रभा कुमारी यादव, समावेशी सचिवमा राम पुकार राउत र सरोज कुमार यादव तथा कोषाध्यक्षमा राजेश कुमार सिंह चयन भएका छन्।
अधिवेशनमा जसपा केन्द्रीय सचिव सुरेशकुमार मण्डल, पूर्वमन्त्री डा. सुरेन्द्र यादवलगायत नेताहरू सहभागी थिए। कार्यक्रमले गौर हत्याकाण्ड र भूमि विधेयकबारे समेत विस्तृत छलफल गरेको छ।
नेताहरूले नयाँ नेतृत्वलाई ऐतिहासिक उपलब्धि ठहर गर्दै संगठनलाई सुदृढ बनाउने प्रतिबद्धता जनाएका छन्।