शिक्षा विधेयकविरुद्ध शिक्षक सडकमा, विद्यार्थी संगठन पनि आन्दोलि

महेश सिंह लहान – शिक्षा विधेयकसम्बन्धी विवादका कारण देशभर शिक्षक महासंघ र निजी विद्यालयका शिक्षकहरू निरन्तर सडक आन्दोलनमा उत्रिएका छन्। लामो समयदेखि जारी आन्दोलनका कारण विद्यालयहरू बन्द भई विद्यार्थीहरू चरम मानसिक प्रभावमा परेको विद्यार्थी संगठनहरूले बताएका छन्।
शिक्षक सडकमा रहँदा विद्यार्थीहरू विद्यालय प्रतिको आकर्षण गुमाउँदै नकारात्मक धारणा बनाउन थालेका छन्। पढाइ प्रभावित भएकाले विद्यार्थीहरू अन्यत्र वैकल्पिक बाटो खोज्न बाध्य भएको विद्यार्थी संगठनहरूको गुनासो छ।
“अब कति दिन आन्दोलन? हामी विद्यार्थी संगठनहरू चुप भएर बस्ने स्थिति छैन,” विद्यार्थी नेताहरूले चेतावनी दिँदै भनेका छन्, “हामी शिक्षक होइन, विद्यार्थीको भविष्यका लागि बोल्छौं। शिक्षा क्षेत्र पूरै ध्वस्त भइसकेको छ, त्यसैले सम्पूर्ण विद्यार्थी संगठनहरू एक भएर विद्यार्थी हितका लागि इन्कलाब गर्नु आवश्यक भएको छ।”
विद्यार्थी संगठनहरूले अब आन्दोलनलाई शिक्षक र सरकारबीचको विवाद नभई विद्यार्थीको हितको सवालमा रूपान्तरण गर्ने चेतावनी दिएका छन्।