बिशाल ईन्स्टिच्युटद्वारा सयौं विद्यार्थीलाई भव्य बिदाई

उच्च शिक्षाको यात्रामा अगाडि बढ्दै विद्यार्थी, सीपमूलक शिक्षामा जोड

 महेश सिंह सिरहा- सिरहाको लहान नगरपालिका–८ स्थित बिशाल ईन्स्टिच्युटले एक भव्य समारोहका बीच एईई परीक्षा पश्चात अध्ययनरत सयौं विद्यार्थीलाई उच्च शिक्षाको शुभकामना दिँदै बिदाई गरेको छ।

तीन महिनासम्म ईन्स्टिच्युटमा अध्ययन गरेका विद्यार्थीलाई उच्च शिक्षाको तयारीको लागि प्रेरणा दिँदै बिदाई गर्न संस्थापक बिशाल साहको नेतृत्वमा आयोजना गरिएको कार्यक्रम भव्य र सभ्यरूपमा सम्पन्न भएको हो।

कार्यक्रमका प्रमुख अतिथि शिक्षाविद् मनोज कर्णले अबको शिक्षा प्रणाली सीपमूलक र व्यवहारिक हुन आवश्यक रहेको उल्लेख गर्दै विद्यार्थीलाइँ ज्ञानसँगै सीप आर्जनमा ध्यान दिन आग्रह गरे। “अबको युगमा केवल किताबी ज्ञान पर्याप्त छैन,” उनले भने, “सीप र व्यवहारिक तालिमले मात्र विद्यार्थीलाई प्रतिस्पर्धी बनाउँछ।”

कार्यक्रममा विभिन्न शैक्षिक संस्थाका प्रतिनिधिहरू भरत साह, मोहम्मद कलाम, सञ्चारकर्मीहरू तथा अभिभावकहरूको उल्लेखनीय उपस्थिति रहेको थियो। कार्यक्रममा सहभागी विद्यार्थीहरूलाई प्रमाणपत्र, सम्मानपत्र र शुभकामनासहित बिदाई गरिएको थियो।

ईन्स्टिच्युटले छोटो अवधिमा पनि गुणस्तरीय शिक्षाका माध्यमबाट विद्यार्थीको शैक्षिक यात्रा सफल बनाउने विश्वास व्यक्त गरेको छ।