सामाजिक उत्तरदायित्वअन्तर्गत लायन्स क्लबको शिक्षामुखी अभियान

महेश सिंह लहान, सिरहा-शिक्षालाई सामाजिक रूपान्तरणको मेरुदण्ड मान्दै लायन्स क्लब अफ लहान फुलबारीले खोरिया बतराहीस्थित श्री आधारभूत विद्यालयमा शैक्षिक सामग्री वितरण गरी शिक्षा प्रवर्द्धनतर्फको सामाजिक उत्तरदायित्व निर्वाह गरेको छ।

विद्यालय परिसरमा आयोजित कार्यक्रममा अध्यक्षता ला. शंकर प्रसाद गुप्ताले गर्नुभएको थियो भने प्रमुख अतिथि विद्यालय व्यवस्थापन समितिका अध्यक्ष श्री भरोसी यादव थिए। क्लबका चार्टर प्रेसिडेन्ट ला. राकेश झा, प्रेसिडेन्ट (Elect) ला. काशिन्द्र प्रसाद यादव, स्वास्थ्यकर्मी डा. रितेश गिरी, डा. मिथिलेश सिंह र ला. विजय यादव कार्यक्रमका विशेष अतिथि थिए।
सामग्री वितरण कार्यक्रम समाजसेवी रामउदगार यादवको सौजन्यमा सम्पन्न भएको हो। उनले आफ्नो पितृत्व भावनासँगै समाजप्रतिको दायित्वलाई सन्तुलित ढंगले प्रस्तुत गर्दै सामूहिक सहयोगको सन्देश दिएका थिए।
उक्त कार्यक्रममा पत्रकार महेश सिंहसहित विद्यालयका शिक्षक, अभिभावक, स्थानीय अगुवा र समाजसेवीहरूको उल्लेखनीय सहभागिता थियो।कार्यक्रमले ग्रामीण भेगका बालबालिकाको शैक्षिक पहुँच सुदृढ गर्न सहयोग पुर्‍याउने विश्वास आयोजकले व्यक्त गरेका छन्।