महेश सिंह सिराहा, लहान –जलवायु परिवर्तनको असरलाई मध्यनजर गर्दै भूमि उपयोगको दिगो योजना बनाउने उद्देश्यले सिराहाको हात्तिदहमा “जलवायु उत्थानशील भू-उपयोग योजना कार्यशाला” सम्पन्न भएको छ।
२०७८/८२ आर्थिक वर्ष अन्तर्गत, हरित जलवायु कोष (GCF) को आर्थिक सहयोगमा सञ्चालित चरे उत्थानशील परियोजनाले आयोजना गरेको कार्यशालामा स्थानीय वन समूहहरूको सहभागीता उल्लेखनीय रहेको थियो।
कार्यक्रममा मधेश प्रदेश, बर्दिवास महोत्तरीस्थित प्रदेश आयोजना व्यवस्थापन इकाइका प्रतिनिधिहरूको उपस्थिति थियो। आयोजनाको समन्वय संयुक्त राष्ट्रसंघीय खाद्य तथा कृषि संगठन (FAO) ले गरेको हो।
वन तथा वातावरण मन्त्रालयको नेतृत्वमा सञ्चालनमा रहेको LRP परियोजनामार्फत कार्यशालाले समुदायमा जलवायु अनुकूल भूमि व्यवस्थापनबारे व्यवहारिक ज्ञान र नीति निर्माण सम्बन्धी चेतना प्रवाह गर्ने उद्देश्य लिएको हो।
कार्यशालामा लहान–१५ शोभापुर क्षेत्रका सरोकारवाला, वन समूहका प्रतिनिधि तथा स्थानीय कृषकहरूको समेत सहभागिता रहेको थियो। सहभागीहरूले जलवायु उत्थानशील प्रविधि, वन संरक्षण र उपयोग, भू-उपयोगको वर्तमान अवस्थाबारे समूहगत छलफल गरेका थिए।
Discussion about this post