महेश सिंह लहान- लहान नगरपालिकाले लहान-५ स्थित हाट बजार भवन निर्माण कार्यको लागि ठेक्का सम्झौता गरी निर्माण प्रक्रिया अघि बढाएको छ। नगर प्रमुख महेश प्रसाद चौधरीको उपस्थितिमा हिन्दू परम्परा अनुसार भूमिपूजन तथा शिलान्यास कार्यक्रम सम्पन्न गरिएको छ।
नगरपालिकाले एम/एस बाबा निर्माण सेवालाई ठेक्का दिएको छ, जसअनुसार रु. २९,७४,५२०.५९ (भ्याटबाहेक) को लागतमा भवन निर्माण गरिनेछ। सम्झौता २०७८ साल माघ ६ गते (२०८१-११-०६) मा भएको थियो, र निर्माण कार्य २०७८-११-०६ बाट सुरु भई २०८३-०३-२० सम्म पूरा गर्ने लक्ष्य राखिएको छ।
नगर प्रमुख चौधरीले एक वर्षभित्र निर्माण कार्य सम्पन्न गरी लहान पुरानो बजारलाई सफा, सुन्दर र व्यवस्थित बनाइने बताएका छन्।
उक्त बजार विगत लामो समयदेखि विवादमा थियो, जसका कारण निर्माण कार्य रोकिएको थियो। तर, हाल नगर प्रमुख चौधरीको पहलमा विवाद समाधान गर्दै निर्माण कार्य अगाडि बढाइएको हो।
नगरपालिकाले सबै सरोकारवालाहरूसँग सहकार्य गर्दै गुणस्तरीय र समयमा सम्पन्न हुनेगरी निर्माण कार्य अघि बढाउने प्रतिबद्धता जनाएको छ। स्थानिय व्यवसायी तथा बासिन्दाहरूले पनि यो पहललाई स्वागत गर्दै बजार व्यवस्थित हुने विश्वास व्यक्त गरेका छन्।
Discussion about this post