सगरमाथा चौधरी आँखा अस्पतालमा डाक्टरमाथि यातनाको आरोप, छानबिन समिति गठन भए पनि पीडित पक्ष असन्तुष्ट

आँखा अस्पतालमा डाक्टरमाथि यातनाको आरोप, छानबिन समिति गठन भए पनि पीडित पक्ष असन्तुष्ट

महेश सिंह लहान- सगरमाथा चौधरी आँखा अस्पतालमा कार्यरत स्वास्थयकर्मी सीमा मेहता मानसिक यातनाको सिकार भएको विषय सार्वजनिक भएसँगै अस्पताल प्रशासनले पत्रकार समेलन मार्फद प्रेस बिज्ञप्ती जारी गर्दै ७ सदस्य  छानबिन समिति गठन गरेको सार्बजनिक गरेका छन् । तर, पीडित परिवार र महिला अधिकारकर्मीहरूले निष्पक्ष छानबिन हुनेमा प्रश्न उठाएका छन्।

स्वास्थयकर्मी सीमा मेहताका श्रीमान् दीपेन्द्र मेहताका अनुसार पटक–पटक उजुरी दिए पनि कुनै कारबाही नभएपछि बैठक बसेका थिए। अस्पतालको बिज्ञप्ती प्रति पीडित मेहताकी श्रीमान दीपेन्द्र सिंहले असन्तुष्टि जनाएका छन्। घटना नभएको भए छानबिन समिति गठन गर्नुपर्ने कुनै जरुरी नरहेको बताएका छन्।

बैठककै क्रममा सीमा अचेत भएर ढलेकी थिइन्। हाल उनी काठमाडौँको टिचिङ अस्पतालबाट दिइएको औषधि सेवन गर्दै घरमै आराम गरिरहेकी छन् र केही दिनमा पुनः काठमाडौँ लैजाने तयारी भइरहेको छ। उनका अनुसार सीमा अहिले डिप्रेसनको सिकार भएकी छिन्।

यसैबीच, महिला मानव अधिकार रक्षकहरूको राष्ट्रिय सञ्जालले घटनालाई गम्भीर मानवअधिकार उल्लङ्घनको रूपमा व्याख्या गर्दै कानुनी प्रक्रिया अघि बढाउन माग गरेको छ। सञ्जालका अनुसार लहान आँखा अस्पतालका डा. विजय चौधरीले आफ्नै कर्मचारी सीमा महतोमाथि वर्षौंदेखि मानसिक तथा शारीरिक यातना दिँदै आएका छन्। सञ्जालले पीडितलाई न्याय दिलाउन सरकार, मानव अधिकार आयोग, महिला आयोगलगायतका सरोकारवाला निकायहरूलाई तत्काल पहल गर्न आग्रह गरेको छ। डा. विजय चौधरीलाई पीडित पक्ष र  महिला मानव अधिकारकर्मीहरुले पिडकलाई कार्वाही प्रक्रिया अगाडी बढाउन सरोकारवाला लाई ध्यानाकर्षण गराएका छन्।

अस्पताल प्रशासनले भने समाचार भ्रामक रहेको र छानबिन प्रक्रिया अघि बढिरहेको बताएको छ। तर, डा. विजय चौधरीले प्रतिक्रिया दिन अस्वीकार गर्दै फोन काटेका छन्। पीडित परिवार र महिला अधिकारकर्मीहरूले छानबिन ढाकछोप गर्न खोजिएको आशंका गरेका छन्।
महिला मानव अधिकार रक्षकहरूको राष्ट्रिय सञ्जालले घटनालाई गम्भीर रूपमा लिएर आवश्यक परे थप आन्दोलन तथा कानुनी प्रक्रिया अघि बढाउने चेतावनीसमेत दिएको छ। अब छानबिन निष्पक्ष रूपमा अघि बढ्छ कि पीडितलाई अझ अन्याय गरिन्छ भन्ने विषयमा सबैको ध्यान केन्द्रित छ।
यता अस्पतालले पत्रकार समेलन मार्फद प्रेस बिज्ञप्ती जारी गर्दै पछिल्लो समय विभिन्न संचार माध्यममा आएको समाचार भ्रामक रहेको बिज्ञप्तीमा उल्लेख गरेका छन्। नेत्र ज्योति संघको कार्यसंचालन नियमावली स्थापित बिधी प्रक्रियाको आधारमा छानबिन समितिको प्रतिबेदन अनुसार कार्वाही प्रक्रिया अगाडी बढाउने बताएका छन्।