महेश सिंह,लहान सिरहा — सिरहा जिल्लाका विभिन्न सीमावर्ती क्षेत्रमा अवैध चोरी पैठारी नियन्त्रणका लागि निगरानी बढाएको सशस्त्र प्रहरी बलले एकै दिनमा सात लाख ७२ हजार ६२० रुपैयाँ बराबरका सामान बरामद गरेको छ।
सशस्त्र प्रहरी बल, नेपाल नं. ७ गण हेडक्वार्टर सिरहाका अनुसार २०८३ कात्तिक ७ गते जिल्लाका विभिन्न सीमावर्ती क्षेत्रबाट अवैध रूपमा भित्र्याइएका सामग्री नियन्त्रणमा लिइएको हो।
सीमावर्ती क्षेत्रबाट हुने अवैध कारोबार नियन्त्रण गर्ने क्रममा तरकारी, लत्ताकपडा, किराना सामग्री तथा मोटरसाइकललगायतका सामान बरामद गरिएको सशस्त्र प्रहरीले जनाएको छ। बरामद सामग्रीको कुल मूल्य सात लाख ७२ हजार ६२० रुपैयाँ रहेको छ।
खुला सीमाको फाइदा उठाउँदै हुने अवैध चोरी पैठारी नियन्त्रण गर्नु सुरक्षा निकायका लागि चुनौतीका रूपमा रहँदै आएको छ। यस्ता गतिविधि रोक्न सशस्त्र प्रहरीले सीमावर्ती क्षेत्रमा गस्ती तथा निगरानीलाई निरन्तरता दिँदै आएको जनाएको छ।
नियन्त्रणमा लिइएका सामानमाथि आवश्यक कानुनी प्रक्रिया अघि बढाइएको छ। बरामद सामग्री सम्बन्धित निकायमा बुझाउने प्रक्रिया भइरहेको सशस्त्र प्रहरीले जनाएको छ।
सीमावर्ती क्षेत्रमा अवैध सामानको ओसारपसार नियन्त्रण गर्न नियमित निगरानी, गस्ती तथा प्रभावकारी सुरक्षा व्यवस्थालाई थप सुदृढ बनाउनुपर्ने देखिन्छ।
Discussion about this post