न्यायको लागी प्रहरी गुहार्दै पीडित प्रहरीको अनुसन्धान फितलो

महेश सिंह सिरहा लहान २२ असार – करिब १० बर्षा अगाडी सप्तरीको अर्नाहाको सुस्मिता कुमारी चौधरीसंग मागी बिवाह गरेको लहान नगरपालिका वडा नम्बर १८ बसाजोडी बस्ने तारिणी प्रसाद चौधरीले जेठि श्रीमती र छोराछोरी छोडेर कान्छी श्रीमती लिएर बाहिरै बस्न थालेका छन्।

प्रेमिका संग करिब एक बर्ष अगाडी देखि लुकि छिपी बाहिरै बस्दै आएको तारिणी प्रसाद चौधरीको घरमा काखे छोराछोरीको बिचल्ली भएका छन्।श्रीमान चौधरीले प्रेमिका संग मौज मस्तीमा लागेका छन् भने जेठि श्रीमती काखे बच्चा लिएर न्यायका लागी चिरार्दै आएका छन्।

न्यायका लागी ईलाका प्रहरी कार्यालय लहानमा श्रीमान हराएको खोज तलासको लागी उजुरी समेत दिएको र न्यायको लागी महिनौं दिन सम्म धाउदै आएकी सुस्मिता चौधरी न्याय नपाएको दु:ख ब्यक्त गरेका थिए।सासु ससुरा समेत दु:ख दिने गरेको पीडित सुस्मिता चौधरीले बताए।
श्रीमान तारिणी चौधरीले जेठि श्रीमती सुस्मितालाई जग्गा जमिनमा हिंसा,फाट बखरा नदिने गलत मन्साईले गाउँमै बस्दै आएकी बहिनीको नाउँमा आफनो निजि करिब एक बिगहा जग्गा नामसारी गरेका छन्।

पटकपटक श्रीमान बाटै मानसिक र शारीरिक यातना खेप्दै आएका सुस्मिता काखे बच्चा लिएर दिन भरी रुदै बस्छिन।
खान लगाउन श्रीमान र सासु ससुराले नदिए पछी माईती पक्षका बुवा आमाले खर्चा पानी जोडदै आएको पीडित चौधरीले दु:ख व्यक्त गरेका छन्।

ईलाका प्रहरी कार्यालयमा उजुरी दिए पनि कुनै सुनवाइ नगरेको पीडितले आरोप लगाएका छन्। यता प्रहरी इन्चार्ज भोला भट्टका अनुसार अफु अनुसन्धान गरीरहेको बताए।