ज्ञानेश्वर साहनी/नवलपरासी/११ चैत।जिल्लाको रामग्राम नगरपालिकाले नगरक्षेत्रबाट झरही खोला किनारलाई ब्यवस्थित गर्न झरही करिडोर निर्माणको नाम मा ४५ लाख इन्धनमा मात्र स्वाहा गरेको छ।
झरही खोलाको सरसफाई,पानी बग्ने धारलाई च्यानालाईज र किनारमा सडक सहितको तटबन्धन निर्माण गर्दै कोरिडोर बनाउने कार्यको प्रारम्भिक चरण मै ४५ लाख इन्धन मात्र खर्च हुने भएको छ।
विभिन्न बहाना बाजि गरी नगरपालिकाको आन्तरिक कोष बाट ४५ लाख इन्धनमा मात्र खर्च हुने भएको छ। यसरी हेर्दा
खोलाको पानी नियन्त्रण र ब्यवस्थापन गरि उपयोग गर्ने र खोला भित्र जम्मा भएका फोहोर, बालुवा, माटो, ढिस्को जस्ता पानी अवरोधक बस्तु निकाल्ने र सफा गर्ने कार्यको नाम प्रयोग गरी भष्टाचार गर्ने नियत रहेको स्थानियहरु गुनासो गरेका छन्।
अर्को तर्फ नदी सफा नहुदा चुरे पहाडबाट बगेर आउने पानी बस्ती तर्फ जाने खत्तरा हुने र जल प्रकोप नियन्त्रणमा पनि यहिँ कोरिडोरले समस्या समाधान भएकोले यसको हाल सरसफाई गरिएको नगरपालिकाको भनाई छ। नगरपालिकाको अनुसार झरही खोला एउटा चुरेबाट बग्ने खोला मात्रै नभई नगरभित्रका धेरै तिर्थ स्थलहरु जोडने माध्यम पनि रहेकोले केही वर्ष पछि कोरिडोर निर्माण गरिने बताएको छ।
झरही खोला,भलुही खोला, तुरियाखोला, रामखण्डा खोला जरि चार वटा खोला बगेको रामग्राम नगरपालिकाले सबै खोला किनारलाई ब्यवस्थित गरि खोला किनारमा रोड कोरिडोरको निर्माण गर्ने लक्ष्य रहेको नगरपालिकाको भनाई छ। त्यसका लागि अहिले रामग्राम नगरपालिकाले आफ्नै स्काभेटर खरिद गरेको छ । जस्ले गर्दा खोलाको सफाई र कोरिडोर बनाउनमा सहजता हुने भने पनि इन्धनमा भष्टाचार भई रहेको प्रष्ट देख्न सकिन्छ।
Discussion about this post