त्यस्त घरमा बस्नेले समेत मास्क लगाउनुपर्छ। ५ वर्षमूनिका बालबालिकाले मास्क लगाउने चलन छैन।
मौसमी फ्लू सार्नमा सबैको भूमिका हुन्छ। विद्यालय नजाने बालबालिकालाई अरूले गर्दा फ्लू सर्छ भने स्कुल जाने बालबालिकालाई साथीहरूका कारण लाग्न सक्छ।
जाडोबाट गर्मी र गर्मी सकिएर जाडो मौसम आउने बेलामा भाइरसका लागि वृद्धि विकासको उपयुक्त समय भएकाले यो बेलामा धेरै समस्या देखिने हो। फ्लू सधैँ हुन्छ तर यो समयमा धेरै हुन्छ। एलर्जीको समस्या भएका बच्चालाई मौसमी फ्लू भएमा थप समस्या पर्न सक्छ।
मौसमी फ्लू भएपछि रूघाखोकी लाग्ने, ज्वरो आउने हुन्छ। कतिपय बच्चालाई १०४/१०५ डिग्री सम्म ज्वरो आउँछ। ज्वरो आएका बच्चालाई धेरै पानी खुवाउनुपर्छ। त्यस्तो अवस्थामा पानी नखुवाए ज्वरो बढ्छ। कतिपय अवस्थामा बच्चालाई ज्वरो आएको बेला जाडो हुन्छ अनि त्यो बेलामा झन् धेरै कपडा लगाइदिने गर्दा थप समस्या आउछ। रूघाखोकी अनि ज्वरो आएको छ भने झन् धेरै कपडा लगाइदिँदा ज्वरो बढ्ने हो। त्यस्तो अवस्थामा १०१ डिग्री ज्वरो आउने थियो भने १०५ डिग्री पुग्छ। अनि हामी सिटामोलले काम गर्दैन भन्छौं। ज्वरो आएका बेला कपडा फुकालेर पानीले पुछिदिने हो भने ज्वरो घट्छ। त्यस्तो अवस्थामा सामान्य सिटामोलले काम गर्छ। त्यसैले जुनसुकै बेलामा एन्टिबायोटिक खुवाउन हुँदैन।
VIDEO
(वरिष्ठ बालरोग विशेषज्ञ डाक्टर सिंह मधेस स्वास्थ्य विज्ञान प्रतिष्ठान जनकपुरमा कार्यरत छन्।)
Discussion about this post