सिरहा_ विद्यालय शिक्षाको फलामे ढोकाको रुपमा लिइने एसईई परीक्षा २०७९ मा सिरहाबाट १० हजार एक सय ५० विद्यार्थी सहभागी हुने भएका छन्।
यहि चैत १७ गतेदेखि शुरु हुने परीक्षामा जिल्लाका ८५ सामुदायिक र ८६ संस्थागत विद्यालय गरी एक सय ७१ विद्यालयबाट चार हजार ६ सय ९२ छात्रा र पाँच हजार चार सय ५८ छात्र सहित १० हजार ६ सय ५० विद्यार्थी सहभागी हुन लागेको हो। जसमध्ये प्राविधिक धारतर्फका केन्द्रबाट तीन सय ४९ जना विद्यार्थी १० परीक्षा केन्द्रबाट परीक्षामा सहभागी भएका छन्।
परीक्षा केन्द्रसम्म विद्यार्थीको सहज पहुँचको लागि यो वर्ष ४० वटा परीक्षा केन्द्रहरु तय गरेको इकाईले जिल्ला समन्वय इकाई सिरहाका प्रमुख रामवृक्ष महतोले जानकारी दिए। परीक्षा केन्द्रहरु निर्धारणको विषयमा सामाजिक सञ्जालमा विभिन्न टिक्का टिप्पनीहरु भएको छ। कतिपय परीक्षा केन्द्रहरुमा निजी विद्यालयको केन्द्रहरुमात्र रहेको भन्दै सामाजिक सञ्चाला चलखेलको आशंका सहित टिक्का टिप्पनी भईरहेको छ नी भन्ने प्रश्नमा शिक्षा समन्वय इकाई प्रमुख महतोले प्रमुख जिल्ला अधिकारीको अध्यक्षतामा रहेको परीक्षा समन्वय समितिले केन्द्रहरु निर्धारण गरेको आशंका नगर्न अनुराधे गरे।
उनले सवै विषयहरुको विश्लेषण पछि विद्यालयहरुलाई पायक पर्नेगरी परीक्षा केन्द्रहरु निधारण गरिएको बताए।
परीक्षालाई मर्यादित र व्यवस्थित बनाउन जिल्ला परीक्षा समन्वय समितिमार्फत् सबै तयारीहरु आवश्यकता अनुसार भईरहेको प्रमुख महतोले जानकारी दिए। तोकिएका परीक्षा केन्द्रहरुमा उत्तर पुस्तिकाको पुगिसकेको पनि उनले बताए।
उनले अव चाँडै अभिमुखिकरण गरि पाएक पर्ने प्रहरी कार्यालयहरुमा उत्तरपुस्तिका पठाउने बताए।
Discussion about this post