धनुषा २ ‘क’ को जितमा अहम भुमिका खेलेका सन्तोष राज सहनी

जनकपुरधाम, मसिंर ११ :धनुषा २ मा मिश्रित नतिजा आएको छ । प्रतिनिधीसभा सदस्यमा कांग्रेस जित्दा प्रदेशसभा क मा एमाले र ख मा जसपा विजयी भएको हो । क्षेत्रको क प्रदेशसभामा निर्वाचित भए दलित समुदायका लखन दास तत्मा । विदेह नगरपालिकामा लगातार दोस्रो कार्यकालका लागि जितेका मेयर बेचन दास तत्माको भाई लखन दास तत्मा प्रदेशसभा सदस्यमा निर्वाचित भएका छन् ।

उनलाई विजयी गराउन मधेस प्रदेश सम्पर्क कमिटी सदस्य तथा राष्ट्रिय जनसांस्कृतिक महासङ्घ,नेपालका केन्द्रिय सदस्य सन्तोष राज सहनीको अहम भुमिका रहेको छ । गायक तथा संगीतकारका रुपमा परिचित सन्तोष दिनरात खटेर दासलाई विजयी बनाउन अहम भुमिका खेलेका छन् । आफनो कला र हुनरले राष्ट्रिय तथा अन्तर्राष्ट्रिय स्तरमा राम्रो प्रभाव बनाएका सन्तोष राज सहनी लखन दास तत्माको प्रदेशसभा निर्वाचन परिचालन समितिका सह–संयोजकको जिम्मेवारी सम्हालेका थिए ।

सन्तोषले क्षेत्रको वडा देखि नगर र जिल्ला हुदै प्रदेश र देशका सबै नेता कार्यक्रताको अथक प्रयासले जित सम्भव भएको बताएका छन् । उनले प्रतिनिधीसभा सदस्यमा समेत जनताको मतले एमालेले नै जितेको दावी गर्दै न्याय पाउनेमा आशा व्यक्त गरेका छन् । प्रतिनिधीसभा सदस्यमा पुर्व मन्त्री उमाशंकर अरगरियाको आगमन एमालेका लागि एकदमै हितकर सावित भएको बताउदै उनले निर्वाचन आयोगले न्याय गर्ने बताए ।