नवलपरासी । पश्चिम नवलपरासीबाट भारत हुदै कुबेत लैजान लागेका चार जना युबतीहरुको उद्धार गरिएको छ ।
उद्धार हुनेमा काभ्रे रुप्ची गाउँपालिका – ५ सिसाखानी गाउँ बस्ने वर्ष २७ की महिला, सिन्धुली नेत्रकाली वर्ष २० की महिला, काभ्रे तेमाल गाउँपालिका – २ चुँगा गाउँ बस्ने वर्ष २१ की महिला र धनकुटा महालक्ष्मी नगरपालिका – ८ आन्द्रुङ्ग गाउँ बस्ने २३ बर्षकी महिला रहेको जिल्ला प्रहरी कार्यालयका सुचना अधिकृत भोजराज पाण्डेय जानकारी दिनुभएको छ ।
उनिहरुलाई शुक्रबार अन्दाजी १५:०० बजेको समयमा जिल्ला नवलपरासी (ब.सु.प.) पाल्हिनन्दन गाउँपालिका – १ महेशपुरस्थित नेपाल भारत सिमाना नजिक माईती नेपाल र आफन्त नेपाल समेतको सहयोगमा अबैध रुपमा भारतको बाटो हुदै कुवेत लैजान लागेको अबस्थामा जिल्ला प्रहरी कार्यालय नवलपरासी तथा मातहत समेतको प्रहरी टोलीले उद्धार गरि आफन्तको जिम्मा लगाइएको
सुचना अधिकृत भोजराज पाण्डेयले जानकारी दिएको छ ।
महिलाहरुलाई राम्रो पैसा कमाई हुन्छ, १ पैसा पनि खर्च लाग्दैन भनि ललयाई फकाई सीमा नाका पार गराउने कार्यमा संलग्न जाजरकोट छेडाघाट नगरपालिका – १२ जन्म घर भई हाल जिल्ला बर्दिया बाँसगढी नगरपालिका – ६ ढकेना स्थायी घर भई नवलपरासी वर्दघाट नगरपालिका – ४ वाढीपीडित बस्ने अन्दाजी बर्ष ३५ को गोरख दमाईलाई आइतबार पक्राउ गरि सम्मानित जिल्ला अदालत नवलपरासीबाट ५ दिनको म्याद थप गरि अनुशन्धान गरिरहेको सुचना अधिकारी पाण्डेयले बताउनु भएको छ ।
सो कार्यमा संलग्न अन्यको खोजी कार्य भैरहेको र पक्राउ पर्ने गोरख दमाईलाई अनुसन्धानको लागि हिरासतमा राखिएको छ ।
Discussion about this post