महेश सिंह लहान- रुपनी गाउँपालिका–४ छपकीमा राष्ट्रिय कृषक समूह महासंघ नेपालका मधेस प्रदेश सचिव यामुन प्रसाद यादवले किसानहरूले अपनाउँदै आएका आधुनिक तथा जलवायु मैत्री कृषि प्रविधिको अनुगमन गरेका छन्। अनुगमनका क्रममा किसानहरूले बोर्डिङ प्रविधि, झोल मल तथा कम्पोस्ट मल प्रविधिमार्फत सुरु गरिएको खेती प्रभावकारी र टिकाउ रहेको जानकारी दिएका छन्।
जलवायु मैत्री गाउँ परियोजना अन्तर्गत महासंघले किसानहरूलाई उपलब्ध गराएका कृषि सामग्री गुणस्तरीय र दीर्घकालीन रूपमा उपयोगी रहेको किसानहरूको भनाइ छ। यी प्रविधिको प्रयोगपछि रुपनी गाउँका सयौँ किसानको जीवनस्तरमा उल्लेखनीय सुधार आएको स्थानीयहरूले बताएका छन्।
विशेषगरी महिला किसानहरूको जीवनस्तर उकास्न र आर्थिक रूपमा सबल बनाउन महासंघले प्राथमिकता दिएको मधेस प्रदेश सचिव यादवले बताए। “महासंघको सहयोगले हाम्रो हातमुख जोड्ने अवसर मिलेको छ,” किसानहरूले प्रतिक्रिया दिएका छन्।
प्रशिक्षण प्राप्त किसानहरूले अब गाउँभरि नै विषादीमुक्त अर्गानिक खेती विस्तार गर्ने तयारी गरेका छन्। किसानको उत्साह, उत्पादनमा आएको सुधार र भविष्यप्रतिको भरोसा देखेर अनुगमनमा गएका सचिव यादव सन्तुष्टि व्यक्त गर्दै खुसीका साथ फर्किएको महासंघले जनाएको छ।
Discussion about this post