महेश सिंह लहान सिरहा- बुद्ध महिला बचत तथा ऋण सहकारी संस्था लि., धनगढीमाई (जिरोमाइल) को सभाहलमा जिल्ला बचत तथा ऋण संघ सिरहाको २८औं वार्षिक साधारणसभा सभ्य र भव्य रूपमा सम्पन्न भएको छ।
साधारणसभामा संघको विधानअनुसार नयाँ कार्यसमिति, लेखा सुपरिवेक्षण समिति तथा विभिन्न उपसमितिहरू गठन गरिएको छ। कार्यक्रममा संघको वार्षिक प्रगति प्रतिवेदन, आर्थिक विवरण तथा भावी कार्ययोजनामाथि विस्तृत छलफल गरिएको थियो।
सभामा वक्ताहरूले सहकारी अभियानलाई पारदर्शी, उत्तरदायी र सदस्यकेन्द्रित बनाउँदै स्थानीय आर्थिक सशक्तीकरणमा संघको भूमिका अझ प्रभावकारी बनाउनुपर्नेमा जोड दिएका थिए। साथै सहकारीमार्फत बचत प्रवर्द्धन, उद्यमशीलता विकास र वित्तीय अनुशासनलाई प्राथमिकतामा राखेर अघि बढ्ने प्रतिबद्धता व्यक्त गरिएको थियो।
सदस्यहरू, प्रतिनिधिहरू तथा सरोकारवालाहरूको उल्लेखनीय सहभागितासँगै २८औं वार्षिक साधारणसभा सफलतापूर्वक सम्पन्न भएको संघले जनाएको छ।
Discussion about this post