महेश सिंह लहान-जे.एस. मुरारका बहुमुखी क्याम्पस लहानमा क्याम्पसका दाता मुरारका परिवारका सदस्यहरूले स्थलगत अवलोकन गर्दै क्याम्पसको स्तर उन्नति तथा समग्र विकासका विषयमा विस्तृत छलफल गरेका छन्।
अवलोकन कार्यक्रममा दाता सज्जन मुरारका,क्याम्पसका मानार्थ अध्यक्ष मुरारी लाल मुरारका, प्रदीप मुरारका तथा उद्योग वाणिज्य महासंघ,नेपालका पूर्व अध्यक्ष पशुपति मुरारकाको उपस्थिति रहेको थियो।
कार्यक्रमका क्रममा मुरारका परिवारले क्याम्पस प्रमुख संजय कुमार चौधरी,सहायक क्याम्पस प्रमुख सजन कुमार साह तथा जे.एस. कलेजका प्रमुख सुमन कुमार साहलगायत प्राध्यापकहरूसँग भेटघाट गर्दै क्याम्पसको शैक्षिक गुणस्तर अभिवृद्धि,भौतिक पूर्वाधार विस्तार, शैक्षिक वातावरण सुदृढीकरण तथा दीर्घकालीन विकास योजनाका विषयमा गहन छलफल गरेका हुन्।
छलफल तथा अवलोकनका क्रममा क्याम्पसको कक्षा कोठा, पुस्तकालय, प्रशासनिक भवन तथा अन्य भौतिक संरचनाको अवस्था बारे जानकारी लिइएको थियो। सहभागीहरूले क्याम्पसलाई स्तरीय र प्रतिस्पर्धी शैक्षिक संस्थाका रूपमा विकास गर्न सहकार्य आवश्यक रहेकोमा जोड दिएका थिए।
क्याम्पस प्रशासनले दाता परिवारको निरन्तर चासो, सहयोग र मार्गदर्शनले जे.एस. मुरारका बहुमुखी क्याम्पसको चौतर्फी विकास र शैक्षिक उन्नतिमा महत्वपूर्ण योगदान पुग्ने विश्वास व्यक्त गरेको छ।
Discussion about this post