स्थानीय सरकार, सरकारी निकाय र सेवा प्रवाहमा प्रभावकारिताबारे व्यापक समीक्षा

महेश सिंह लहान सिरहा-जिल्ला मानवअधिकारकर्मीहरूको संयुक्त पहलमा १६ दिने अभियानको योजना तथा मानवअधिकार अवस्थामाथि बृहत् छलफल कार्यक्रम सिरहामा सम्पन्न भएको छ। लैंगिक हिंसा न्यूनीकरण तथा मानवअधिकार संरक्षणका विषयमा स्थानीय तह, सरकारी निकाय, प्रहरी प्रशासन, सामुदायिक संस्था तथा सरोकारवालालाई एउटै मञ्चमा ल्याइ बहु–क्षेत्रीय संवाद गरिएको थियो।

कार्यक्रममा सहभागी मानवअधिकारकर्मीहरूले सिरहामा मानवअधिकारको वर्तमान स्थिति, सेवा प्रवाहमा देखिने कमजोरी, नागरिकले सामना गर्दै आएका व्यवहारिक चुनौती तथा सुधारका उपायहरूबारे विस्तृतरूपमा प्रस्तुत गरे।

छलफल सत्रमा स्थानीय सरकार, महिला तथा बालबालिका कार्यालय, स्वास्थ्य संस्था, सुरक्षा निकाय र सामाजिक अभियन्ताहरूले आफू–आफ्नो भूमिकाबारे स्पष्ट धारणा राख्दै सेवा प्रवाहलाई अझै प्रभावकारी बनाउने प्रतिबद्धता व्यक्त गरेका थिए।

१६ दिने अभियानलाई लैंगिक हिंसा विरुद्धको जागरण, सुरक्षित समाज निर्माण र अधिकार सुरक्षामा सामूहिक जिम्मेवारीका रूपमा अगाडि बढाउने निष्कर्ष कार्यक्रममार्फत निकालिएको छ।

कार्यक्रममा सहभागी सरोकारवालाले मानवअधिकार संरक्षण, न्याय पहुँच, सेवा उपलब्धता तथा नागरिकमैत्री प्रशासनलाई प्राथमिकतामा राख्दै आगामी दिनमा समन्वयलाई थप सुदृढ बनाउने प्रतिवद्धता जनाए।

मानवअधिकारकर्मीहरूको अगुवाइमा गरिएको यो छलफल सिरहामा सशक्त आवाज, साझा रणनीति र दीर्घकालीन समाधानतर्फको महत्वपूर्ण कदमका रूपमा हेरिएको छ।