जनकपुरमा स्वजातीय एकता र सामाजिक समानताको विषयमा दुईदिने अन्तरक्रिया

महेश सिंह लहान- समाजिक रुपान्तरण र स्वजातीय एकतालाई सुदृढ बनाउने उद्देश्यले आगामी २०८२ साल कार्तिक ७ र ८ गते जनकपुरस्थित गोपाल धर्मशालामा “स्वजातीय एकता, समग्र शिक्षा, छुवाछुत एवं विभेदको मूलजरो, सरकार र संयन्त्रमा प्रतिनिधित्व र आर्थिक सवालमा साझा दृष्टिकोण” विषयक छलफल तथा अन्तरक्रिया कार्यक्रम हुने भएको छ।

कार्यक्रममा देशभरका जातीय संगठनका अध्यक्ष, उपाध्यक्ष, महासचिव, सचिव, कोषाध्यक्ष, समाजसेवी, राजनीतिक व्यक्तित्व तथा कर्मचारीहरू सहभागी हुने बताइएको छ।

कार्यक्रमका संयोजकका अनुसार यो भेला समाजभित्र रहेका विभेद, असमानता र प्रतिनिधित्वको कमी सम्बन्धी विषयमा साझा दृष्टिकोण तयार गर्न केन्द्रित हुनेछ।
सहभागीहरूले समावेशी नीति, शैक्षिक सशक्तिकरण र आर्थिक सुदृढीकरणका उपायबारे विस्तृत छलफल गर्ने तयारी गरिएको छ।

कार्यक्रम दुई दिनसम्म चल्ने छ र प्रत्येक सहभागीले सहयोग शुल्कस्वरूप रु. १००० योगदान गर्ने व्यवस्था गरिएको आयोजक समितिले जनाएको छ।
कार्यक्रम बिहान ११ बजेबाट सुरु हुनेछ।