महेश सिंह सिरहा – सिरहाको गोलबजार नगरपालिका–७ मा स्वास्थ्य स्वयम्सेविकाहरुलाई सामग्री वितरण गरिएको छ।
स्वास्थ्य सेवा प्रवाहमा खटिएका स्वयम्सेविकाको कार्य क्षमता अभिवृद्धि र प्रोत्साहनका लागि सामग्री वितरण गरिएको वडा कार्यालयले जनाएको छ।
वडा अध्यक्ष हरिसरण ठाकुरको अध्यक्षतामा सम्पन्न कार्यक्रममा गोलबजार नगरपालिकाका नगर प्रमुख श्यामकुमार श्रेष्ठ प्रमुख अतिथि रहेका थिए।
स्वास्थ्य सेवामा संलग्न स्वयम्सेविकाको भूमिकालाई सशक्त बनाउन यस्ता कार्यक्रम आवश्यक रहेको अध्यक्ष ठाकुरले बताए। नगर प्रमुख श्रेष्ठले स्वयम्सेविकालाई सामग्री हस्तान्तरण गर्दै सामाजिक स्वास्थ्य प्रणाली सुदृढ बनाउन स्थानीय सरकार प्रतिबद्ध रहेको उल्लेख गरे।
कार्यक्रममा स्थानीय जनप्रतिनिधि, कर्मचारी तथा स्वास्थ्यकर्मीको उपस्थिति रहेको थियो।
Discussion about this post