लहानमा लायन्स क्लबको अध्यक्षमा ललित कुमार महतो निर्वाचित

महेश सिंह लहान,लायन्स क्लब अफ लहान सिटीको अध्यक्षमा ललित कुमार महतो निर्वाचित भएका छन्। आगामी लायनिस्टिक वर्ष २०२५–२६ का लागि महतो सर्वसम्मत रूपमा चयन भएका हुन्।
क्लबको साधारण सभाबाट निर्वाचित भएपछि अध्यक्ष महतोले सदस्यहरूप्रति आभार व्यक्त गर्दै सेवा, समर्पण र उत्तरदायित्वलाई मुख्य आधार बनाएर अघि बढ्ने प्रतिबद्धता जनाएका छन्। “यो पद केवल सम्मान होइन, सामाजिक सेवाप्रतिको गहिरो उत्तरदायित्व पनि हो,” उनले भने, “पारदर्शिता, सहकार्य र समावेशी नेतृत्वमार्फत क्लबलाई अझ सक्रिय बनाउने लक्ष्य लिएको छु।”
क्लबका पूर्व अध्यक्ष, सल्लाहकार र सदस्यहरूको उपस्थितिमा सम्पन्न निर्वाचन प्रक्रियालाई सहभागीहरूले समावेशी र सौहार्दपूर्ण भएको प्रतिक्रिया दिएका छन्। अध्यक्ष महतोले क्लबको गौरवशाली इतिहास र आदर्शलाई आत्मसात गर्दै सामाजिक क्षेत्रमा थप योगदान पुर्‍याउने प्रतिबद्धता व्यक्त गरेका छन्।