सिरहामा समाजवादी विद्यार्थी युनियनको अधिवेशन तयारी तीव्र

महेश सिंह लहान, सिरहा – समाजवादी विद्यार्थी युनियन नेपाल, जसपा निकट विद्यार्थी संगठन, सिरहा जिल्ला शाखाले आउँदो फागुन १० गते जिल्ला अधिवेशन गर्ने निर्णय गरेको छ। जिल्ला अध्यक्ष उमेश कुमार साहको अध्यक्षतामा सम्पन्न बैठकले जिल्लाका सम्पूर्ण कलेजहरूमा एकाइ कमिटी गठन गर्दै अधिवेशनलाई भव्य रूपमा सम्पन्न गराउने निर्णय लिएको छ।

बैठकमा मधेस प्रदेश अध्यक्ष दिपेश कुमार यादव, उपाध्यक्ष चन्दशेखर यादवसहित जिल्लाका प्रमुख विद्यार्थी नेताहरूको उपस्थिति थियो। विद्यार्थीहरूको हकहित, संगठन विस्तार तथा भावी रणनीतिहरूलाई केन्द्रीत गर्दै व्यापक छलफल गरिएको बैठकमा विद्यार्थी अधिकार र शैक्षिक सुधारलाई प्राथमिकतामा राख्ने प्रतिवद्धता व्यक्त गरिएको छ।

जिल्ला अध्यक्ष साहले अधिवेशनलाई ऐतिहासिक बनाउन सबै विद्यार्थीहरूलाई सक्रिय सहभागिताका लागि आह्वान गरेका छन्। बैठकले विद्यार्थीहरूलाई संगठित गर्दै समृद्ध शैक्षिक वातावरण निर्माणका लागि योजनाबद्ध ढंगले अघि बढ्ने निर्णयसमेत गरेको छ।