शिक्षा र खेलकुदलाई प्रोत्साहन: मन्त्री गुप्ताबाट प्राप्त फुटबल बालासुन्दरी मा.वि.लाई हस्तान्तरण

महेश सिंह ​लहान सिरहा -,​शिक्षा र खेलकुदलाई एकसाथ अगाडि बढाउने उद्देश्यका साथ मन्त्री बब्लु गुप्ताले उपलब्ध गराउनु भएको फुटबल आज श्री बालासुन्दरी माध्यमिक विद्यालय, भगवानपुरका विद्यार्थीहरूलाई हस्तान्तरण गरिएको छ।
​स्थानीय जेन्जी युवाहरूको सक्रियतामा आयोजित एक कार्यक्रमका बीच विद्यालयका विद्यार्थीहरूलाई फुटबल हस्तान्तरण गरिएको हो। युवा पहलकर्ताहरूले ‘पढ्दै, खेल्दै, अगाडि बढ्दै’ भन्ने नारालाई आत्मसात् गर्दै यो अभियान चलाएका हुन्।
​​फुटबल हस्तान्तरण कार्यक्रमले विद्यालयका विद्यार्थीहरूमा नयाँ ऊर्जा भर्ने विश्वास गरिएको छ। युवा अगुवाहरूले मन्त्री गुप्तालाई खेलकुद क्षेत्रप्रतिको माया र सहयोगका लागि धन्यवाद ज्ञापन गरेका छन्।
​”युवा जोशले अब मैदानमा नयाँ ऊर्जा भर्नेछ। विद्यार्थीहरूलाई पढाइसँगै शारीरिक तथा मानसिक विकासका लागि खेलकुद उत्तिकै आवश्यक छ,”
​— युवा पहलकर्ताहरूले बताए।
​हस्तान्तरण कार्यक्रमपछि विद्यार्थीहरूले खुसी व्यक्त गर्दै खेलकुदका माध्यमबाट आफ्नो प्रतिभा प्रस्फुटन गर्न थप अवसर मिल्ने विश्वास व्यक्त गरे।