औषधि ऐन संशोधनको मागमा लहानमा जोरदार र्याली

महेश सिंह लहान- नेपाल औषधि व्यवसायी संघ सिरहा–लहान र नेपाल आयुर्वेदिक औषधि व्यवसायी संघ सिरहा–लहानले औषधी ऐन २०३५ को दफा ११ उपदफा ५ खारेज गर्न माग गर्दै आज लहानमा प्रदर्शन गरेका छन्।

नीतिगत अन्योल, व्यवसायिक असुरक्षा र अव्यावहारिक कानुनी प्रावधानका कारण व्यवसाय प्रभावित भएको भन्दै सयौँ औषधि व्यवसायी सडकमा उत्रिएका हुन।

र्याली शहरका विभिन्न भाग परिक्रमा गर्दै लहान बजारमा कोणसभा मार्फत सम्पन्न गरिएको थियो। वक्ताहरूले विवादित उपदफाले साना तथा खुद्रा व्यवसायीलाई झन् दवावमा पार्ने, संघीय संरचना अनुरूप कानुन अद्यावधिक नभएको तथा चिकित्सा सेवा वितरणमै असर गर्ने चेतावनी दिए। व्यवसायी संघहरूले ऐन संशोधनसहित व्यावहारिक र परिष्कृत कानुनी व्यवस्था लागू गर्न सरकारसँग आग्रह गर्दै आन्दोलन चरणबद्ध रूपमा जारी रहने बताएका छन्।