चौतर्फी विरोध पछि विसेन्द्र पासवान राजेश विद्रोहीको क्षेत्रबाट ´ब्याक

सप्तरी। समाजिक संजालमा चौतर्फी विरोध पछि बहुजन शक्ति पार्टीका अध्यक्ष विसेन्द्र पासवान राजेश विद्रोहीको सप्तरी ४ को चुनावी क्षेत्रबाट पछि हटेका छन् । राजेश विद्रोही सप्तरी क्षेत्र ४ अन्तर्गत पर्ने खडक नगरपालिका ३ गरुराहा बासी हुन् भने विसेन्द्र पासवान सिरहा क्षेत्र ४ मिर्चैया नगरपालिका बासी हुन् ।

विद्रोहीले दुईमहिना पहिलेदेखि यो क्षेत्रबाट चुनाव लड्ने घोषणा गरेका छन् । सप्तरी ४ मा विद्रोहीको जनतामा राम्रो पकड मानिन्छ । विद्रोहीले चलाउने राष्ट्रिय दलित जागरण अभियानको प्रभाव पनि राम्रो छ । दलित र गैरदलित समुदायमा समेत विद्रोहीको राम्रो छवि रहेको छ । केही दिन अगाडि विसेन्द्र पासवानले आफू पनि त्यही क्षेत्रबाट चुनाव लड्ने सार्बजनिक गरेपछि चौतर्फी दलित नेतृत्व बीच आपसमा बाहिरी शक्तिले लडाउन खोजेको समेत चर्चा छ ।

विसेन्द्र पासवानले विद्रोहीको क्षेत्रमा लड्ने सार्वजनिक भएको न्युज सेयर गर्दै स्वागत गरेका छन् भने अन्य दर्शकहरुले पासवानलाई आलोचना गर्दै क्षेत्र परिवर्तन गर्न विभिन्न दबाब र टिप्पणी गरेका छन् । पासवान निकट मानिएका शम्भु पासवानका अनुसार, विसेन्द्र पासवान सप्तरीबाट नभएर सिरहा ४ बाट चुनाव लड्ने बताए ।

विद्रोहीको वास्तविक नाम राजदेव राम हो । उनी विधार्थी राजनीतिबाट जनयुद्धमा भूमिगत भएपछि अग्लो हदको कारण साथीहरूले भूमिगत नाम राजेश हमालसँग तुलना गरेर राजेश राखेको थियो । पछिल्लोपटक उसको वास्तविक नामभन्दा जनयुद्धकालिन नाम नै स्थापित हुन पुगेका हुन् ।

पछिल्लो पटक माओवादीले जनमुक्ति सेना निर्माण कार्य अगाडि बढाएपछि उनी सेनामा प्रवेश गरेका थिए । मधेसी लडाइ लड्दैन्, कायर डरछेडुवा हुन्छ, सेना प्रहरीमा जागिर खाँदैन्, अवसरवादी हुन्छ, डाक्टर, मास्टर, इन्जिनियर मात्र बन्छ भन्ने ठूलै आलोचनात्मक चर्चा चलेपछि मधेसी समुदायबाट उनी सहित थुप्रै युवाहरू पार्टीको सांगठनिक क्षेत्रबाट विद्रोह गरेर जनमुक्ति सेनामा प्रवेश गरेका थिए । सेनामा प्रवेश गरेपछि पहाडी भूभागमा लामै समय थुप्रै मोर्चाहरुमा सहभागी भए ।

सैनिय मोर्चामा सहभागी भएपछि राजेशको अर्को नाम फेरियो विद्रोही । साथीहरूले उसको मधेसबाट विद्रोह गरेर सैनिक मोर्चामा लामो समय लडेपछी गोपनियताको कारण उसको नाम साथीहरूले फेरियो । गीत, कविता, गजल र लेखन क्षेत्रमा रुचि राख्ने कारण उसले पहिलो कवितासंग्रह रक्तमुच्छेल अंकुरण प्रकाशन गरेपछि पुस्तकमा वास्तविक नाम राख्ने विषयमा साहित्यकार ईश्वरचन्द्र ज्ञवाली र रोशन जनकपुरीले वास्तविक नामभन्दा आफ्नो स्थापित दुबै नामलाई जोडेर राजेश विद्रोही राखेपछि नेपाली साहित्य तथा पत्रकारिता जगतमा यो नाम जबर्जस्त स्थापित नाम बन्न पुगेको देखिन्छ ।

सिरहा क्षेत्र ४ मिर्चैया बासी विसेन्द्र पासवान लहानको सिनो बहिष्कार आन्दोलन लगायतका दलित आन्दोलनबाट उदाएका एक दलित राजनीतिक पात्र हो । उसको गाउँघरको नाम ठगहर पनि हो । दलित जनजाति पार्टी खोलेर उनी सांसद र मन्त्री समेत भइसकेका पात्र हुन् । पछिल्लोपटक दलित जनजाति पार्टी र दलित आन्दोलन उसैको कारण बदनाम भएपछि उसले अर्को पार्टी बहुजन शक्ति पार्टी खोलेर राजनीति गर्दै आएका हुन् ।