माधोपुरमा जसपा,नेपालको वडा स्तरीय कार्यकर्ता भेला

महेश सिंह लहान सिरहा – जसपा नेपाल माधवनारायण नगरपालिका–६, माधोपुरमा वडा इकाइ कमिटीले आयोजना गरेको वडास्तरीय कार्यकर्ता भेटघाट कार्यक्रम सम्पन्न भएको छ। कार्यक्रमको नेतृत्व इकाइ कमिटीका अध्यक्ष अरुण यादवले गरेका हुन्।

कार्यक्रमका प्रमुख अतिथि पूर्वउपप्रधानमन्त्री तथा जसपा नेपालका केन्द्रीय अध्यक्ष उपेन्द्र यादव रहेका थिए। स्थानीय कार्यकर्ता, पार्टीका वडा/नगर प्रतिनिधि तथा युवाहरूको उल्लेख्य उपस्थिति रहेको भेटघाटमा संगठन सुदृढीकरण, आगामी राजनीतिक योजना तथा स्थानीय मुद्दामा पार्टीको भूमिका सम्बन्धी विषयमा विस्तृत छलफल भएको थियो।

प्रमुख अतिथि यादवले जसमध्ये तराई–मधेसको हक–अधिकार, राजनीतिक पहिचान र स्थानीय तहमा सुशासन बलियो बनाउन पार्टी प्रतिबद्ध रहेको बताए। “जनताको भरोसा जित्ने मार्ग संगठनको शक्ति र जनताप्रति ईमानदार समर्पणबाट नै सम्भव हुन्छ,” यादवले भने।

कार्यक्रममा अध्यक्ष अरुण यादवले वडास्तरमै संगठन विस्तार र युवाहरूको सक्रिय भूमिकालाई प्राथमिकतामा राखिने बताए।

भेलाले आगामी कार्यक्रमहरू नियमितरूपमा सञ्चालन गर्ने, स्थानीय समस्या पहिचान गरी पार्टीमार्फत समाधानका पहल अघि बढाउने निर्णय पनि गरेको छ।