महेश सिंह सिरहा लहान – सिरहाको सखुवानन्कारकट्टी गाउँपालिका–३ स्थित माध्यमिक विद्यालय महदेवा पोर्ताहाले गाउँपालिका स्तरीय प्रतियोगितामा उत्कृष्ठ सफलता हासिल गरेको छ। मिति २०८२ कार्तिक १८ र १९ गते तिनकुने चोकमा सम्पन्न विभिन्न प्रतियोगिताहरूमध्ये विद्यालयले हाजिरीजवाफ प्रतियोगिता र सांस्कृतिक कार्यक्रम दुवैमा प्रथम स्थान प्राप्त गर्न सफल भएको हो।
कार्यक्रममा गाउँपालिकाभित्रका विभिन्न विद्यालयहरूबीच कडा प्रतिस्पर्धा रहेको भए पनि महदेवा पोर्ताहाका विद्यार्थीहरूले उत्कृष्ट प्रस्तुति दिँदै निर्णायकको मन जित्न सफल भएका थिए।
यस उल्लेखनीय उपलब्धिप्रति विद्यालय परिवारलाई बधाई ज्ञापन गर्दै शिक्षक देब कुमार यादवले विद्यार्थीहरूमा विद्या, अनुशासन र संस्कारको सन्तुलन कायम गर्दै अझ उत्कृष्ट प्रदर्शन गर्ने प्रेरणा प्रदान गर्नुभयो।
उहाँले आगामी दिनमा विद्यालयलाई शैक्षिक, सांस्कृतिक र सामाजिक क्षेत्रमा अग्रणी बनाउन निरन्तर प्रयास जारी रहने पनि बताउनुभयो।
स्थानीय समुदाय, विद्यालय परिवार र अभिभावकहरूले पनि विद्यार्थीहरूको यस सफलताप्रति गर्व व्यक्त गर्दै निरन्तर प्रगतिको शुभकामना दिएका छन्।
Discussion about this post