काठमाडौं । माओवादी सेनाका पूर्वकमाण्डर राजेश विद्रोही सप्तरी क्षेत्र नम्बर ४ बाट चुनाव लड्ने सार्वजनिक गरेका छन् । हुलाक संचार टेलिभिजनमा आफ्नो अन्तर्वार्ताको क्रममा आफूले जनताको इच्छा अनुसार चुनाव लड्ने बताएका छन् ।
डाक्टर बाबुराम भट्टराई निकट मानिएका विद्रोहीको राष्ट्रिय छवि भएको बौद्धिक व्यक्तिको रुपमा चिनिन्छ । उनीमाथि समाजिक विभेद भएको कारण कलिलै उमेरमा माओवादी जनयुद्धमा हिडेका थिए । विद्रोहीको छवि राम्रो रहेकोले चुनावमा जनताले यसपटक उसैलाई भोट दिने स्थानीय निर्वाचन क्षेत्र ४ का समाजिक अभियानता रामनाथ साहले बताएका छन् ।
उनले भने, देश र समाज परिवर्तनका लागि विद्रोही जस्तो एक कुशल इमानदार युवाको खाँचो समाजलाई भएकोले यसपटक गाउँघरमा उसैलाई भोट दिने चर्चा सबैतिर रहेको बताएका छन् । अर्का समाजिक अभियानता सत्यनारायण भगतका अनुसार, अरुले पटकपटक विभिन्न नाममा चुनाव जितेर गयो तर समाज र क्षेत्रको दुर्दशामा कुनै बदलाव आएको छैन् । त्यसैले विद्रोही जस्तो इमानदार र सक्षम युवा सप्तरी क्षेत्र नम्बर ४ ले पाएकोमा सबैले गर्व गर्नुपर्ने बताएका छन् ।
अन्तर्वाताको क्रममा राजेश विद्रोहीले आफू जनताको चाहना अनुसार उमेदवारी दिने बताएका छन् । उनी नेपाल समाजवादी पार्टीका केन्द्रीय सदस्य भएपनि जनताले चाहेको अनुसार आफ्नो उमेदवारी हुने बताएका छन् । उनले भनेका छन्, मभन्दा ठूलो पार्टी र गठबन्धन छ तर पार्टीभन्दा पनि ठूलो मेरो लागि जनता छ । भोट दिने जनताले हो पार्टीले होइन । त्यसैले म जनताको इच्छा अनुसार यसपटक चुनाव लड्छु । संधै अरुलाई चुनाव लडाएर हुँदैन । यसपटक जनताले मलाई चुनाव लडाउँदैछ । त्यसैले जनताको इच्छा प्रति आफू गम्भीर छु ।
पार्टी वा गठबन्धनले टिकेट नदिए पार्टी र गठबन्धन भन्दा माथि उठेर आफ्नो जनपक्षीय उमेदवारी हुने विद्रोहीको तर्क छ । विभिन्न युद्ध मोर्चा लडेका र घाइते समेत भएका विद्रोही जनयुद्धको डाक्टरको भूमिका समेत निर्वाह गरी थुप्रैको जीवन बचाएका जनडाक्टरले समेत परिचित छन् । समाजिक क्षेत्रमा समेत विनालोभ लालचकासाथ समाजिक जागरण अभियान समेत चलाउँदै आएका छन् ।
Discussion about this post