एजेन्सी – अमेरिकाको न्यूयोर्कमा रहेको एक सञ्चारसम्बन्धी गैरसरकारी संस्थाले अफगानिस्तानमा तालिबानद्वारा बन्दी बनाइएका अमेरिकी पत्रकार एवम् अफगान उत्पादकलाई तत्काल रिहा गर्न माग गरेको छ ।
कमिटी टु प्रोटेक्ट जर्नालिस्ट (सीपीजे) ले अफगानिस्तानको राजधानी काबुलबाट तालिबानले बन्धक बनाएका अमेरिकी स्वतन्त्र पत्रकार इभोर शेरर र अफगान उत्पादक फैजुल्लाह फैजबक्शलाई रिहा गर्न माग गरेको हो ।
साथै सीपीजेले पत्रकारहरुलाई बन्धक बनाउने गतिविधिलाई पनि बन्द गर्न तालिबानसमक्ष आह्वान गरेको छ ।
उनीहरुलाई गत अगष्ट १७ मा तालिबानले नियन्त्रणमा लिएर बन्धक बनाएको थियो । त्यसबेला उनीहरु अमेरिकी कारवाहीमा आतंकवादी संगठन अल कायदाका नेता आयमन अल जवाहिरी मारिएको विषयमा समाचार संकलन गरिरहेको बताइएको छ ।
Discussion about this post