काठमाडौं । अन्डरवर्ल्ड डन दाउद इब्राहिम मुम्बईमा पुनः आफ्नो सञ्जाल विस्तार गर्न थालेको खुलेको छ । भारतीय अनुसन्धान एजेन्सी (एनआईए) ले यसको पुष्टि गरेको छ ।
भारतीय सञ्चारमाध्यमका अनुसार एनआईएले मुम्बईमा ड्रग्स र गैरकानूनी सम्पत्तिहरू मार्फत आतङ्कवादलाई आर्थिक सहयोग गरेको प्रमाण फेला पारेको छ। यसका पछाडि अन्डरवर्ल्ड डन दाउद इब्राहिमको सिन्डिकेट काम गरिरहेको छ ।
अन्डर वर्ल्ड विरुद्ध काम गरेको महाराष्ट्र प्रहरीले दाउद गिरोहले फेरि मुम्बई र वरपरका क्षेत्रलाई निशाना बनाएको बताएको छ ।
अनुसन्धान एजेन्सीका अनुसार भारतमा दाउदको सम्पूर्ण काम उनका भाइ इकबाल कासकरले हेरिरहेका छन्। उनी दाउदको दाहिने हात छोटा शकीलको सम्पर्कमा थिए।
महाराष्ट्र र उत्तर प्रदेश एटीएस, दिल्ली पुलिस, एनआईए र ईडी टोलीहरूले आतङ्कवादी कोषमा संलग्न व्यक्तिहरूलाई पक्राउ गरेका छन्। आरोपितहरूको डी कम्पनीको विदेशी नेटवर्क दाउदका भाइ अनीस इब्राहिम, छोटा शकील र टाइगर मेमनसँग सम्बन्ध छ।
दुई वर्षमा एनसीबी र नार्कोटिक्स सेलले मुम्बई र आसपासबाट करिब दुई हजार करोडको लागूऔषध बरामद गरेको छ । जुबैर वैद मेमनलाई गत अगस्ट ४ मा र अबु बलर अब्दुल गफुर शेखलाई यही वर्ष फेब्रुअरी ४ मा लागूऔषध तस्करीको आरोपमा पक्राउ गरिएको थियो ।
Discussion about this post