मधेस प्रदेशको सबै जिल्लामा प्रदेश कानुनी सहायता अधिकृत नियुक्त हुँदै,सिरहामा चन्दन कर्ण

महेश सिंह सिरहा लहान ७ पुष- मुख्यन्यायाधीवक्ताको कार्यालय मधेस प्रदेशले विगत ५ महिना देखि रिक्त रहेको मधेस प्रदेश को सात वटै जिल्लामा प्रदेश कानुनी सहायता अधिकृत नियुक्त गरेका छन।
मुख्यन्यायाधीवक्ता वीरेन्द्र ठाकुर को अनुसार संघीयता को मर्म अनुसार सर्व साधारण जनताको न्याय मा सहज र निःशुल्क पहुँच बढाउन को लागि र विशेष गरी दलित,गरीब, विपन्न वर्ग, सीमान्तकृत समुदाय को लागि यो सेवा उपलब्ध गराउन खोजिएको हो। दिनानुदिन महंगो र झन्झटिलो प्रक्रिया बाट गुज्रिरहेको न्याय सम्पादन प्रणाली प्रतिको आम विश्वासलाई हटाउन र प्रदेशका जनतालाई प्रदेश सरकारको अनुभूति गराउन यो सेवा सञ्चालन गरिएको हो।
नियुक्त भएका अधिकृतहरु एक समारोहका बीच सपथग्रहण गर्दै सम्बन्धित जिल्लामा सेवा प्रदान गर्ने छन।सिरहाका लागि चन्दन कुमार कर्ण, धनुषाका लागि अञ्जली कुमारी महतो, महोत्तरीका लागि सुरुच्ची चौधरी,सर्लाहीका लागि आशा कुमारी साह, रौतहट का लागि सर्वोदय ठाकुर, पर्सा को लागि विवेक कान्त ठाकुर, र बारा को लागि वैकल्पिक उम्मेदवार मध्येको एक जना छनोट भएका छन