लहान ६ माघ । सिरहाको लहानमा संघीय संसदमा भएको सहीद प्रतिको अपमान विरूद्ध स्वतन्त्र मधेसी यूवा समाजले प्रचण्डको घोर बिरोध गरेका छन ।
लहानको रमेश चोकमा आयोजित कार्यक्रममा प्रधानमन्त्री प्रचण्डले सहिदको अपमान गरेको विरोधमा युवाहरू विरोधमा उत्रिएका हुन ।
प्रधानमन्त्रीको अशोभनिय ब्यबहारप्रति मधेशी युवाहरू लहानको रमेश चोकमा भेला भएर हातमा विरोधका कागज लिएर चर्का नारासहित विरोध गरेका छन ।
प्रधानमंत्री प्रचण्डले सदनमा मधेस आन्दोलनमा सहिद भएका वीर सहिदको घोर अपमान गरेको प्रति मधेशी युवाहरू द्वारा दुःख ब्यक्त गरिएको छ ।
जनमत पार्टीका अध्यक्ष सीके राउतले मधेश आन्दोलनमा सहादत प्राप्त शहीदहरुको सम्झनामा संसदमा मौनधारण गरिरहँदा प्रधानमंत्री प्रचण्डले सहिदको अपमान गर्दै सदनमा बसिरहेकाे दृश्यले आम मधेसी जनताको मन दुखेको छ ।
मधेश आन्दोलनमा मृत्यु भएकाहरुलाई राज्यले शहीद घोषणा गरिसकेको अवस्थामा सरकार र संसदले बलिदानी दिवसमा सहिदलाई नसम्झिएको भन्दै राउतले विरोध जनाउँदै सदनमा मौन धारण गरिरहँदा प्रधानमन्त्री बसिरहेका थिए । राष्ट्रीय रूपमा मनाउनुपर्ने दिवसलाई एकातिर अपमान गरिएको छ भने अर्कोतिर प्रचण्ड जस्ता व्यक्तिले सदनमा सहिदको अपमान गरेको भन्दै स्वतन्त्र मधेशीहरूले आन्दोलन थालेको देखिन्छ ।
Discussion about this post