सिटिइभिटीका मधेश प्रदेश प्रमुख साहले योजना विपरीत काम गर्न थालेपछी सेवाग्राहीहरु आजित

जनकपुरधाम । शीप सिकाई प्राबिधिक दक्ष नागरिक उत्पादन गराउने उद्देश्यले स्थापना गरिएको सिटिइभिटी मधेश प्रदेशमा भाडभैलो मचेको छ। मधेशस्थित सिटिइभिटी कार्यालय केन्द्रकै घोषित कार्यक्रम बिरुद्ध लागिपरेकाे चौतर्फी चर्चा हुनथालेको छ।

सिटिइभिटीका मधेश प्रदेश प्रमुख नागेन्द्र साहले केन्द्रको योजना विपरीत काम गर्न थालेपछी सेवाग्राहीहरु आजित भएका छ्न।
केन्द्रमा आधा दर्जनको संख्यामा सहसचिव स्तरका कर्मचारीहरू हुँदा हुदै सबैलाई थन्क्याएर कनिष्ठ साहलाई प्रदेश प्रमुख बनाइएपछि मधेश प्रदेशको सिटिइभिटीका कार्यक्रम उपयोग बिहिन बन्दैगएको सरोकारवालाहरू बताउँछन् । मापदण्ड बिपरित प्रदेश प्रमुख बनाइएका साहकी श्रीमती बबिता कुमारी साह सिरहाका उपमेयर हुन। त्यसकारण, साहमाथी उनले श्रीमतीको राजनीतिलाई सहयोग हुने गरि सिटिइभिटीको कार्यक्रमहरूको दुरुपयोग गरेको आरोप लाग्न थालेको छ। श्रीमति उपमेयर भएको नगरपालिकामा सिटिइभिटीका कार्यक्रमहरू बाक्लिदै गएपछी त्यसमा सेटिङ्ग हुने सम्भावना बढी हुनगएकोले सरोकारवाला चिन्तित बनेका छ। सिटिइभिटीकै माथिल्लो निकायमाथि पनि प्रश्न उठ्नथालेको छ।

विभिन्न शैक्षिकसत्रहरुको स्वास्थ्य कार्यक्रमको छात्रवृत्ति भर्ना समेत व्यापक रूपमा आर्थिक चलखेल गरेर भर्ना गर्ने गराउने गरेको प्रमुखको मनपरितन्त्रले सिमा नागेपछी नेपाल बिद्यार्थी संघले बिज्ञपति नै निकालेर बिरोध गर्दै ध्यानाकर्षण गराउनु परेको थियो। त्यस्तै, साहले सिटिइभिटीको अन्य कार्यक्रमहरूलाई पनि आफ्नो व्यक्तिगत लाभका दुरुपयोग गर्ने गरेको आरोप लाग्दै छ।