रुपन्देहीमा साढे ५ किलाे चाँदीसहित दुई भारतीय पक्राउ

रुपन्देही । रुपन्देही प्रहरीले अवैध चाँदी बरामद गरेको छ । सिद्धार्थनगरपालिका- २, मेउडिहवाबाट अवैध चाँदीसहित दुई भारतीय नागरिकलाई बिहीबार पक्राउ गरिएकाे हो ।

जिल्ला प्रहरी प्रवक्ता तथा प्रहरी नायव उपरीक्षक श्यामु अर्यालको अनुसार विशेष सुराकीको आधारमा यूपी लेखेको मोटरसाइकललाई जाँच गर्ने क्रममा ४ केजी ५ सय २२ ग्राम चाँदी बरामद गरिएको हो । अवैध चाँदीको बजार मूल्य ५ लाख ५१ हजार ४ सय ११ रुपियाँ पर्ने अनुमान छ ।

पक्राउ पर्नेमा जिल्ला महाराजगञ्ज थाना कोलही बस्ने २५ वर्षे शैलेन्द्र बर्मा र सोही ठाउँ बस्ने २६ वर्षे सतेन्द्र बर्मा छन् ।बरामद गरिएको चाँदी, मोटरसाइकल र पक्राउ परेकालाई आवश्यक कार्बाहीका लागि भन्सार पठाइएको प्रहरीले जनाएको छ ।