मातृ शोकमा इन्जिनियर विजय सिंह, परिवारमा शोकको माहोल

महेश सिंह लहान सिरहा,—गोलबजार नगरपालिका–४ निवासी ५५ वर्षीया सुशिला सिंहको अचानक हृदयघातका कारण निधन भएपछि परिवार शोकमा डुबेको छ। विशेषगरी जेठो छोरा इन्जिनियर विजय कुमार सिंह मातृवियोगले निकै भावुक बनेका छन्।
गत शनिबार भएको निधनपछि गायत्री परिवारको संस्कारअनुसार गागन खोलामा अन्तिम अन्त्येष्टि सम्पन्न गरिएको थियो। दागबत्ती जेठो छोरा इन्जिनियर विजय कुमार सिंहले दिएका थिए।
स्वर्गीय सिंहका श्रीमान् मनोज सिंह, बहिनी अरुणा सिंह, कान्छो छोरा निल मणि सिंहसहित सम्पूर्ण परिवार अहिले शोकमा रहेका छन्। परिवारका अनुसार निधन भएको आठ दिन पूरा भइसकेको छ भने १३औँ दिनमा धार्मिक परम्पराअनुसार सम्पूर्ण संस्कार सम्पन्न गरिनेछ।
अचानक भएको आमाको निधनले इन्जिनियर विजय कुमार सिंहसहित परिवारका सदस्यहरूलाई गहिरो पीडा दिएको आफन्तजनले बताएका छन्। स्थानीयवासीले स्वर्गीय सुशिला सिंहलाई सरल, मिलनसार र धार्मिक स्वभावकी महिलाका रूपमा सम्झिएका छन्।