महेश सिंह सिरहा, लहान —राष्ट्रिय कृषक समूह महासंघ नेपालका मधेश प्रदेश कार्यक्रम संयोजक दिलिप साह पितृ शोकमा परेका छन्। उनका पिता लहान नगरपालिका–२४ रनहा सिमलटोल निवासी ७६ वर्षीय झरीलाल साहको सोमबार निधन भएको हो।
परिवारका अनुसार खुट्टासम्बन्धी समस्याबाट पीडित रहेका झरीलाल साहको २८ गते निधन भएको थियो। हिन्दु परम्पराअनुसार स्थानीय सरेखोलामा अन्तिम अन्त्येष्टि सम्पन्न गरिएको छ। दागबत्ती जेठो छोरा दिलिप साहले दिएका थिए।
स्वर्गीय साहका कान्छो छोरा रबिन्द्र साह, एक छोरी तथा श्रीमती रहेका छन्। परिवार हाल शोकमा रहेको छ भने १२ दिनसम्म धार्मिक परम्पराअनुसार क्रियाकर्ममा बसिने जनाइएको छ।
स्थानीयवासीका अनुसार झरीलाल साह इमानदार, मेहनती तथा समाजप्रेमी किसानका रूपमा परिचित थिए। उनले गाउँमै बसेर खेतीपाती गर्दै आफ्ना सन्तानलाई उच्च शिक्षासम्म अध्ययन गराएका थिए।
पिता गुमाएपछि कार्यक्रम संयोजक दिलिप साहसहित सम्पूर्ण परिवारलाई विभिन्न संघसंस्था, कृषक अगुवा तथा स्थानीयवासीले समवेदना व्यक्त गरिरहेका छन्।
Discussion about this post