गोल्डेन फ्युचर एकेडेमीमा कक्षा १० का विद्यार्थीलाई भव्य बिदाई

महेश सिंह लहान – सिरहाको लहान नगरपालिका–२ मा अवस्थित गोल्डेन फ्युचर एकेडेमीमा अध्ययनरत कक्षा १० का विद्यार्थीहरूलाई लक्षित गर्दै बिदाई समारोह कार्यक्रम सम्पन्न गरिएको छ। विद्यालयका प्रिन्सिपल उपेन्द्र प्रसाद यादवका अनुसार कक्षा ९ मा अध्ययनरत विद्यार्थीहरूले आफ्ना सिनियर विद्यार्थीलाई सम्मानपूर्वक बिदाई गरेका हुन्।
कार्यक्रममा विद्यार्थीहरूले एकअर्काबीच अबिर लगाउँदै मायाँ, स्नेह र सम्झनाहरू साटासाट गरेका थिए। भावनात्मक तथा उत्साहपूर्ण वातावरणमा सम्पन्न उक्त कार्यक्रममा विद्यार्थीहरूको सक्रिय सहभागिता देखिएको थियो।
यस अवसरमा एक विद्यार्थीले आफ्ना सिनियरप्रति रहेको मायाँ र सम्मान व्यक्त गर्दै विद्यालय जीवनका स्मरणीय क्षणहरूलाई सधैं सम्झिरहने बताए।
विद्यालयका प्रिन्सिपल यादवले बिदाई मन्तव्य राख्दै कक्षा १० का विद्यार्थीहरूको उज्ज्वल भविष्यको कामना गरेका थिए। साथै, पछिल्लो समय विद्यालयप्रति अभिभावक तथा विद्यार्थीहरूको आकर्षण बढ्दै गएको समेत उनले जानकारी दिए। कार्यक्रमले विद्यार्थीहरूबीचको सम्बन्धलाई अझ प्रगाढ बनाउँदै सफलतापूर्वक सम्पन्न भएको विद्यालयले जनाएको छ।