महेश सिंह लहान सिरहा –नेपाली काँग्रेसले सिरहा निर्वाचन क्षेत्र नं. २ बाट प्रतिनिधि सभा सदस्य पदका लागि रामचन्द्र यादवलाई उम्मेदवारको रूपमा अगाडि सारेको छ। यस अवसरमा सिरहाको नवराजपुर–४ स्थित सोनवर्षा चोकमा आयोजित कार्यक्रममा पार्टीका नेता तथा कार्यकर्ताको उल्लेखनीय सहभागिता रहेको थियो। समर्थकहरुले बाक्लो उपस्थिति रहेको छ। जित यादव कै पक्षमा हुने बताएको छ।
कार्यक्रममा नेपाली काँग्रेसको मूल नाराअनुसार राष्ट्रियता, लोकतन्त्र र समाजवाद को संरक्षण तथा सुदृढीकरणका लागि पार्टी प्रतिबद्ध रहेको बताइयो। वक्ताहरूले सिरहा–२ को समग्र विकास, सुशासन, रोजगारी सिर्जना, शिक्षा र स्वास्थ्य क्षेत्रमा सुधारका लागि काँग्रेस उम्मेदवार रामचन्द्र यादव सक्षम र अनुभवी नेतृत्व भएको दाबी गरे।
उम्मेदवार यादवले जनताको समर्थन र विश्वास प्राप्त भएमा क्षेत्रको विकासलाई पहिलो प्राथमिकतामा राखेर काम गर्ने प्रतिबद्धता जनाए। उनले विगतमा भएका समस्या र जनताको पीडालाई नजिकबाट बुझेर समाधानतर्फ लाग्ने बताए। कार्यक्रम आयोजक नेपाली काँग्रेस सिरहा–२ ले आगामी निर्वाचनमा रामचन्द्र यादवलाई अत्यधिक मतले विजयी गराउन आम मतदाता, शुभेच्छुक तथा कार्यकर्तालाई एकजुट भएर लाग्न आग्रह गरेको छ।
Discussion about this post