महेश सिंह लहान – सिरहाको निर्वाचन क्षेत्र नम्बर–१ मा जनताको जित सुनिश्चित गर्न सबैले आफ्नो–आफ्नो तर्फबाट अग्रसर हुनुपर्नेमा वक्ताहरूले जोड दिएका छन्। चुनावी सभामा बोल्दै वक्ताहरूले नेपाली काङ्ग्रेस, एमाले र माओवादीजस्ता पुराना दलहरूसँग जनताको जीवन उकास्ने कुनै ठोस मुद्दा नरहेको आरोप लगाए।
उनीहरूले ती दलहरूले जनजीवन सुधारका लागि कुनै उल्लेखनीय काम नगरेको दाबी गर्दै जनताको वास्तविक समस्या र अधिकारका मुद्दा उठाइरहेको पार्टी जसपा नेपाल मात्र रहेको बताएका छन्। पछिल्लो समय जसपा नेपालप्रति जनलहर बढ्दै गएको र त्यसलाई ‘हावा’ भन्दै फैलाइएको अपवाहलाई रोक्न आवश्यक रहेको उल्लेख गरिएको छ।
सभामा बोल्ने नेताहरूले सिरहा–१ मा जसपा नेपालको जनतासँग प्रत्यक्ष पहुँच रहेको र जनताका दुःख–सुख बुझ्ने पार्टी भएकाले मतदातालाई जसपामा मतदान गर्न आग्रह गरे। वर्तमान राज्य व्यवस्थाले मधेसी, दलित,महिला तथा जनजातिका अधिकार दबाएर राखेको आरोप लगाउँदै त्यसविरुद्ध आवाज उठाउने पार्टी जसपा नेपाल रहेको बताइएको छ। जसपा नेपालले जनताबाट बहुमतसहित विजय हासिल गरे संविधान संशोधन गर्दै सबै समुदायका अधिकार सुनिश्चित गरिने प्रतिबद्धता पनि व्यक्त गरिएको छ।
Discussion about this post