महेश सिंह लहान सिरहा – श्रृजनशील लघुवित्त वित्तीय संस्था लिमिटेड, शाखा कार्यालय रघुनाथपुरले आज मिति २०८२/०८/२५ गते केन्द्र नं. ०१९ मा वित्तीय साक्षरता अभिमुखिकरण कार्यक्रम सफलतापूर्वक सम्पन्न गरेको छ।
कार्यक्रममा सहभागी समूह सदस्यहरूलाई बचत र ऋणको जिम्मेवारीपूर्ण उपयोग, डिजिटल वित्तीय सेवाहरूको सुरक्षा, आर्थिक योजना बनाउने तरिका तथा दैनिक जीवनमा आवश्यक आधारभूत वित्तीय व्यवस्थापन सम्बन्धी विस्तृत प्रशिक्षण प्रदान गरिएको थियो।
शाखाका प्रतिनिधि अनिरुध कुमार यादवका अनुसार वित्तीय साक्षरताको अभावका कारण ग्रामीण समुदायमा देखिने आर्थिक जोखिम न्यूनिकरण तथा आत्मनिर्भरता बढाउने उद्देश्यले कार्यक्रम सञ्चालन गरिएको हो।
यादवका अनुसार, “समुदायका सदस्यहरूलाई वित्तीय ज्ञान उपलब्ध गराउनु आर्थिक सबलीकरणको प्रमुख आधार हो,” भन्दै आगामी दिनमा अन्य केन्द्रहरूमा पनि यस्तै अभिमुखिकरण कार्यक्रम विस्तार गरिने जानकारी दिए।
कार्यक्रमले सहभागी महिलाहरूको वित्तीय व्यवहारमा सकारात्मक परिवर्तन ल्याउने विश्वास संस्थाले व्यक्त गरेको छ।
Discussion about this post